کوئٹہ ۔22مئی (اے پی پی) وزیراعظم محمد شہباز شریف آکھیا جو بلوچستان اچ 19 ورھیں بعد نیشنل گیمز تھیوݨ سوھݨی ڳالھ اے، حکومت پاکستان نینگراں دی کھیݙاں اچ استعداد کار ودھاݨ کیتے سارے وسائل لیسی۔ او قوماں ترقی کریندن جیڑھی تعلیم سودھی ہر شعبے اچ اپݨی صلاحیتاں دا لوہا منواون۔ پاکستانی قوم دے نینگراں اچ ٻہوں صلاحیت اے۔ اونکوں استعمال کر تے نہ صرف پاکستان بلکہ پوری دنیا اچ کھیݙاں دے مقابلے دے ہر میدان اچ پاکستان دا ناں اُچا کر سڳدن۔ 9 مئی دے واقعات قابل مذمت اتے ایندے اچ ملوث سارے عناصر کوں سزا ݙتی ویسی تانجو ایجھے واقعے قیامت تئیں ولا نہ تھیون۔ دشمن 75 سالیں اچ او نی کر سڳیا جو عمران خان کر ݙتے۔ 9 مئی پاکستان دی تاریخ دا کالا ݙینھ اے۔ وزیراعظم محمد شہباز شریف 34ویں نیشنل گیمز دا افتتاح کر ݙتا جئیں اچ 32 مختلف کھیݙاں اچ چھی ہزار توں ودھ کھݙاری شریک ہن۔ سنوار کوں وزیراعظم کوئٹہ اچ 34ویں نیشنل گیمز دی تقریب اچ شریک تھیے۔
ایں موقع تے وزیراعظم دے رلے وفاقی وزیر اطلاعات و نشریات مریم اورنگزیب وی ہن جڈانجو گورنر بلوچستان عبدالولی خان کاکڑ اتے وزیراعلیٰ بلوچستان میر عبدالقدوس بزنجو وی موجود ہن۔ وزیراعظم کوں نیشنل گیمز اچ شامل کھݙاریاں ولوں سلامی پیش کیتی ڳی۔ ایں موقع تے تقریب توں خطاب کریندیں ہوئیں وزیراعظم محمد شہباز شریف آکھیا جو کھݙاریاں اپݨی محنت اتے قابلیت نال نہ صرف پاکستان بلکہ ٻاہرلی دنیا اچ وی پاکستان دے سرسبز ہلالی پرچم کوں اپݨی کامیابیاں نال ٻیا اُچا کیتے۔ وفاقی حکومت اتے پوری قوم ولوں مبارخ ݙیندوں۔ گورنر، وزیراعلیٰ اتے انتظامی کمیٹی کوں ایں شاندار تقریب کراوݨ تے مبارخ ݙیندوں۔ انہاں آکھیا جو جو بلوچستان اچ 19 ورھیں بعد نیشنل گیمز تھیوݨ سوھݨی ڳالھ اے، حکومت پاکستان نینگراں دی کھیݙاں اچ استعداد کار ودھاݨ کیتے سارے وسائل لیسی۔ او قوماں ترقی کریندن جیڑھی تعلیم سودھی ہر شعبے اچ اپݨی صلاحیتاں دا لوہا منواون۔ پاکستانی قوم دے نینگراں اچ ٻہوں صلاحیت اے۔
اونکوں استعمال کر تے نہ صرف پاکستان بلکہ پوری دنیا اچ کھیݙاں دے مقابلے دے ہر میدان اچ پاکستان دا ناں اُچا کر سڳدن۔ وزیراعظم آکھیا جو نو مئی دے اڄوکے واقعے تکلیف دہ ہن، جینویں لاہور اچ جناح ہاؤس، زیارت اچ قائداعظم دی رہائش گاہ تباہ کیتی ڳی اے کم دہشت گرداں اتے ملک دشمناں دا اے، کوئی محب وطن اے کم نی کر سڳدا۔ جینویں ریڈیو پاکستان دا 1947ء توں اڄ دا ریکارڈ ساڑیا ڳیا، ایں ریڈیو پاکستان توں آزادی دی نوید سݨائی ڳی ہئی۔ جی ایچ کیو راولپنڈی تے حملہ کیتا ڳیا اے وطن دشمنی اتے دہشت گردی اے۔
