سپریم کورٹ پریکٹس اینڈ پروسیجر بل ، قانون بݨ گئیا

عدالتی اصلاحات توں متعلق سپریم کورٹ (پریکٹس اینڈ پروسیجر) بل ٢٠٢٣ پارلیمنٹ دے بعد صدر توں دبارہ منظوری دی آئینی مدت گزرݨ دے بعد از خود منظور تھئی تے قانون دی شکل اختیار کر گئے ۔ قومی اسمبلی سیکریٹرٹ توں جاری بیان دے مطابق مجلس شوری (پارلیمان) دا سپریم کورٹ (پریکٹس اینڈ پروسیجر) ایکٹ ٢٠٢٣ دستور پاکستان دی دفاع ٧٥ دی شق ٢ دے تحت صدر توں منظور شدہ سمجھا ویسی۔

Supreme Court (Practice and Procedure) Act, 2023 of the Majlis-e-Shoora (Parliament) is deemed to have been assented by the President W.e.f 21 April 2023, under Clause (2) of the Article 75 of the Constitution of Islamic Republic of Pakistan. It is hereby published for general… pic.twitter.com/FIpBmJsALs
— National Assembly of 🇵🇰 (@NAofPakistan) April 21, 2023

بل منظوری دے تمام مراحل مکمل تھیوݨ دے بعد قومی اسمبلی سیکریٹریٹ نے باقاعدہ نوٹیفکیشن جاری کیتا۔ سیکریٹریٹ نے قانون تے قواعد و ضوابط دی روشنی اچ تمام تقاضے پورے کر تے پرنٹنگ کارپریشن کوں گزیٹ نوٹیفکیشن دا حکم ڈے ڈیتا۔ ترجمان قومی اسمبلی دا آکھݨ ھا کہ سپریم کورٹ پریکٹس تے پروسیجر بل ھݨ قانون دی شکل اچ نافذ تھئی چکا ھِ ۔ خیال رھاوے کہ آئین دی دفعہ ٧٥ ، ٢ اچ آکھا گئیا ھِ اگر صدر کوئی بل پارلیمنٹ کوں واپس بھیج ڈیتا ہووے تاں ایں تے پارلیمنٹ مشترکہ اجلاس اچ دوبارہ غور کریسی تے اگر ایں مجلس شوری دے دوران ایوان دے موجود ارکان دی اکثریت رائے نال رائے شماری توں ترمیم دے نال یا بلا ترمیم دوباری منظو رکر گھنسن تاں ایکوں دستور دی اغراض پاروں ڈونہاں ایواناں توں منظور شدہ تصویر کیتا ویسی تے ایکوں صدر کوں پیش کیتا ویسی تے صدر ایندی منظوری ١٠ ڈینھ اچ ڈیسن ایندے اچ ناکام تے مذکورہ منظوری ڈیتی گئی تصور ہوسی۔ اسمبلی سیکریٹریٹ دے بیان دے مطابق این قانون دی منظوری دا اطلاق ٢١ اپریل توں تھیسی ۔ایتھاں اے گالھ مد نظر رھاسی کہ سپریم کورٹ ھک پیشگی اقدام کریندے ہووے اے قرار ڈے چکی ھِ کہ سپریم کورٹ پریکٹس اینڈ پروسیجر بل ٢٠٢٣ دی صدر مملکت دی طرفوں منظوری دے بعد یا ڈوجہی صورت اچ ایندے ایکٹ بنڑݨ دی صورت اچ موثر نا ہوسی ، تے نا ھی کیہں وی طرح ایں تے عمل کیتا ویس۔ ایں بل دی منظوری وفاقی کابینہ نے ٢٨ مارچ کوں ڈیتی ھائی جیندء بعد ٢٩ مارچ کوں قومی اسمبلی ٣٠ مارچ کوں سینیٹ توں ایکوں منظور کیتا گئیا تے حتمی منطوری پاروں صدر مملک کوں بھیجوا ڈیتا گئیا ھا۔ انہاں اے آکھیندے ہووے دستخط کرݨ توں انکار کیتا کہ بادالنظر اچ اے بل پارلیمنٹ دے اختیار توں باہر ہے

تاہم پالریمنٹ دے مشترکہ اجلاس توں بل دی منظوری دے تریھ ڈینھ اچ ھی ھک پیشگی اقدام کریندے ہووے سپریم کورٹ نے حکم ڈیتا کہ چیف جسٹس آف پاکستان دے اختیارات کوں گھٹ کرݨ توں متعلق بل ٢٠٢٣ دی صدر مملک دی طرفوں منظوری دے بعد یا ڈوجہی صورت اچ ایندے کیتے ایکٹ بݨرݨ دی صورت اچ اے موثر نا ہوسی ، نہ ہی کوئی وی طرح نال ایں تے عمل کیتا ویسی۔

سپریم کورٹ