پاکستان پیپلزپارٹی رہنما چوھدری اعتزاز احسن نے آکھیا ھِ کہ میں کئی سالہاں توں آکھیندا پیا ھاں کہ عدلیہ اچ دراڑ پئے گئی ھِ جیں نال یکجا تھئی تے اپنڑیں فرائض دی ادائیگی نا ممکن تھئی گئی ھِ ، لاہور اچ آئین تے عدلیہ نال یکجہتی دے ھک منعقد تھیوݨ والے کنوینشن اچ گالھ مہاڑ کریندے ہووے پاکستان پیپلز پارٹی دے رہنما چوہدری اعتزاز احسن دا آکھݨ ھا کہ اے عالم ھِ کہ سپریم کورٹ بینچ دی تشکیل ڈیکھ تے ڈسا سکدے ہیں کہ فیصلہ کیویں تھیسی۔ چوھدری اعتزاز احسن اکھیا کہ عدلیہ اچ ڈع گروپ ھن ھک الف دے ڈوہا ب ایں طرح اگر الف بینچ دے ڈو جج ہوسن تے ب گروپ دے تریھ جج ہوسن تاں تساں ڈسا سکدے وے کہ فیصلہ کیا ہوسی۔
انہاں آکھیا کہ ایں ویلے پارلیمان تے عدلیہ دے درمیان تریخی جنگ شروع تھئی گئی ھِ عدلیہ قانون دی تشریح کریندی ھِ ڈوجہے ڈینھ پارلیمان ایندے اچ قانون سازی کریندی ھِ تے ول اگلے دینھ عدلیہ مختلف طریقیاں نال ایندی تشریح کریندی ھِ ایں طرح اے چوہے تے بلی والا کھیڈ چلدا پئے۔
انہاں آکھیا کہ سیاسی امور کو سیاست اچ رھاونڑاں چاھیدا ھِ لیکن اے عدلیہ اچ وی داخض ہوسن، عدالتی امور کوں عدالتاں اچ رھاونڑاں چاھیدا ھِ او پارلیمان تے انتظامیا اچ وی داخل تھئی گئے
پیپلز پارٹی دے رہنما نے آکھیا کہ پہلی گالھ اساں کوں اے سوچنڑاں ھِ کہ کیا ایں ملک اچ آئین دی برتری تے بالادستی ہوسی کہ نا، تے اہم مسئلہ اے ھِ کہ پنجاب تے خیبرپختونخواہ اچ نوے ڈینھ دے اندر انتخابات تھیونڑیں چاھیدے ھن یا ناں۔
انہاں آکھیا کہ آکھا ویدنا ھِ کہ بینچ کیں نے تشکی ڈیتے لیکن اصل گالھ اے ھِ ہ تساں الیکشن کرواو، سارا معاملہ ختم تھئی ویسی کیونکہ آئین وی آکھیندا ھِ کہ نوے ڈینھ اچ الیکشن تھیونڑیں چاھیدے ھن لیکن ایں توں دھیان ھٹاون پاروں مختلف معاملات چاتے گئے ھن۔
