اسلام آباد (اے پی پی)صدر مملکت ڈاکٹر عارف علوی ڄڳ اچ امن، جمہوریت اتے پائیدار ترقی کیتے بین الپارلیمانی یونین (آئی پی یو) دے رکن ملکاں وچال پارلیمانی تعاون ودھاوݨ دا آہدے بین الپارلیمانی یونین دے امن، جمہوریت، انسانی حقوق، نوجواناں کوں بااختیار ٻݨاوݨ، سیاسی مذاکرات اتے پارلیمانی کارروائی نال پائیدار ترقی سانڳے پاکستان دا عزم دوہرائے۔ او بین الپارلیمانی یونین دے صدر ڈوارٹے پچیکو نال الیندے پئے ہن۔ انہاں ڄڳ اچ امن ودھاوݨ، جنڳاں روکݨ کیتے اجتماعی اقدامات تے زور ݙتے۔ صدر مملکت معزز مہمان کوں دہشت گردی دے خلاف جنگ اچ پاکستان دے کردار دا ݙسایا، انہاں امید کیتی جو ڈوارٹے پچیکو دے دورے نال پاکستان دی پارلیمنٹ اتے بین الپارلیمانی یونین دی ممبر پارلیمنٹس وچال پارلیمانی تعلقات تکڑے کرݨ اچ مدد ملسی۔