پوری دنیا اچ ذمہ واری دے تصور کوں ودھاوݨ آلے فلسطین اتے جموں و کشمیر دے مقبوضہ علاقے دے لوکاں دے تحفظ کیتے اجتماعی اقدام دی لوڑھ تے غور کرن، پاکستان
اقوام متحدہ (اے پی پی):پاکستان دنیا اچ تحفظ دی ذمہ واری دے تصور کوں ودھارا ݙیوݨ تے زور ݙتے جو او فلسطین تے جموں و کشمیر دے مقبوضہ علاقیں اچ لوکاں دے تحفظ کیتے اجتماعی اقدام دی لوڑھ تے غور کرن ۔اقوام متحدہ اچ پاکستان دے نائب مستقل نمائندہ عامر خان قتل عام ، جنگی جرائم، نسل کشی اتے انسانیت دے خلاف جرائم کوں روکݨ کیتے سماجی اتے اقتصادی اقدامات تے اقوام متحدہ دی اقتصادی اتے سماجی کونسل(ای سی او ایس او سی) دے خصوصی اجلاس اچ زور ݙتے جو بھارت دے غیر قانونی زیر تسلط جموں و کشمیردے شہریاں،بھارت اچ رہݨ آلے مسلماناں تے فلسطینی شہریاں دے تحفظ دی لوڑھ اے ۔ انہاں آکھیے بھارت گزریل 7 ݙھاکیں توں ودھ عرصے توں مسئلہ کشمیرتے سلامتی کونسل دی آزادانہ اتے منصفانہ رائے شماری دی ٻہوں ساریاں قرارداداں دی خلاف ورزی کریندے ہوئیں جموں و کشمیر اچ طاقت اتے دھوکے نال کشمیریاں کوں حق خودارادیت توں محروم کر رکھیے۔ پاکستانی سفیر بین الاقوامی برادری دی توجہ بھارت اچ ہندوتوا دے پیروکاراں دی طرفوں جاری “منظم مہم” دے پاسے کرائی جتھاں بی جے پی آر ایس ایس حکومت دی حوصلہ افزائی اتے سرپرستی نال ہندو انتہا پسنداں دے ذریعے وقتاً فوقتاً مسلماناں کوں قتل کیتا ویندا پئے تے انہاں دا روزگار تے شہریت کھس ڳھدی اے ۔ انہاں آکھیے ہݨے ہی میں بی بی سی دی ھک دستاویزی فلم اچ 2002 اچ مغربی ریاست گجرات اچ فسادات دے دوران مسلماناں دےقتل عام دا جائزہ ڳھدا ڳئے، جیں تے بھارت اچ پابندی لاݙتی ڳئی جیں اچ ایں ڳالھ دی نشاندہی کیتی ڳئی جو ایں مہم اچ نشل کشی دے سارے نشانات ہن ۔ پاکستانی سفیرآکھیے جو پاکستان تحفظ دی ذمہ واری دے تصور دے اطلاق تے مزید ڳالھ مہاڑ دا منتظر اے۔ انہاں آکھیے کہیں وی اجتماعی اقدام دی اجازت سلامتی کونسل دی طرفوں ہووݨی چاہیدی اے ۔
