استبول(اے پی پی)ترکیہ دے شہر استنبول اچ تقسیم سکوائر دے نیڑے دھماکا تھئے جیندے اچ 5 ڄݨے موئن اتے کئی ٻئے زخمی تھی ڳین۔ غیر ملکی میڈیا رپورٹس دے مطابق شہر دی مصروف ڄاہ مقبول استقلال اسٹریٹ اچ دھماکا شام چار وڄے تھئے جتھاں خریداراں دا رش ہوندے۔ استنبول دے گورنر علی یرلیکایا ٹوئٹر تے دھماکے اتے ہلاکتاں دی تصدیق کیتی اے۔ دھماکے توں بعد ایمبولینساں، فائر ٹرک اتے پولیس پڄ ڳئی جتھاں امدادی کماں سودھا تفتیش کیتے جائے وقوعہ دا جائزہ ڳھدا ویندا پئے۔
