پاکستان ، ایکسپورٹ کنٹرول ایکٹ 2004 دے تحت نظرثانی شدہ کنٹرول لسٹاں جاری کر ڈتن، ترجمان دفتر خارجہ

اسلام آباد   (اے پی پی) پاکستان ، ایکسپورٹ کنٹرول ایکٹ 2004 دے تحت نظرثانی شدہ کنٹرول  لسٹاں جاری کر ڈتن۔ دفتر خارجہ دے ترجمان سنوار کوں جاری بیان اچ آکھیا جو جوہری اتے حیاتیاتی ہتھیاراں اتے انہاں دے ڈیلیوری سسٹمز ایکٹ 2004 بارے سامان، ٹیکنالوجیز، مواد اتے آلات تے برآمدی کنٹرول دے تحت پاکستان دی حکومت اشیا، ٹیکنالوجی، مواد اتے آلات دی نظرثانی شدہ کنٹرول  لسٹاں جاری کیتن جو سٹریٹجک ایکسپورٹ کنٹرول ڈویژن (ایس ای سی ڈی آئی وی) لائسنس دے تابع ہن۔ اے ایکٹ حکومت کوں ایں قابل ٻݨیندے جو او جوہری اتے حیاتیاتی ہتھیاراں اتے انہاں دی ترسیل دے نظام بارے سامان، ٹیکنالوجی، مواد اتے آلات دی برآمد، دوبارہ برآمد، ٹرانس شپمنٹ اتے ٹرانزٹ کوں کنٹرول کر سڳے۔