اسلام آباد۔(اے پی پی)وفاقی وزیرخزانہ و محصولات مفتاح اسماعیل آکھیے جو ٹیکس دی بنیاد اتے دائرہ کار اچ توسیع صلاح مشورے نال کیتی ویسی۔ اپݨے ٹویٹس اچ انہاں آکھیا جو نویں مالی سال دے وفاقی بجٹ اچ لکھاں دکاناں کوں ٹیکس نیٹ اچ پاتا ڳئے، ایندے اچ سنارے وی شامل ہین، ٻئے وی پروفشنلز تے ٹیکس لاڳو کیتا ویسی۔ انہاں آکھیے جو چھوٹے دکانداراں اتے جیولرز کوں ٹیکس دے دائرہ کار اچ ڳھن آوݨ کیتے انہاں دی ایسوسی ایشناں نال الائے اتے انہاں دی مرضی نال ٹیکس دے دائرہ کار اچ رلائے، ہݨ رئیل اسٹیٹ بروکرز، بلڈرز، ہاوسنگ سوسائٹیز ڈویلپرز، کار ڈیلرز، ریستوران، سیلون وغیرہ تے وی ٹیکس ہوسی ٻھل ایندے اچ کہیں نال زبردستی نا کیتی ویسی، ہر فیصلہ صلاح مشورے نال کریسوں۔
