اجازت نامہ دے بغیر حج پیکج تے ست سال قید اتے پنڄاہ لکھ ریال جرمانہ تھی سڳدے، سعودی حکام

ریاض   (اے پی پی) سعودی پبلک پراسیکیوشن آکھیا جو جعلی حج پیکیج نال مقامی شہریاں اتے غیر ملکیاں کوں دھوکہ ݙیوݨ قابل سزا جرم اے۔ اجازت نامہ دے بغیر حج پیکیج تے ست سال قید اتے پنڄاہ لکھ ریال جرمانہ تھی سڳدے۔ سعودی اخبار دے مطابق پبلک پراسیکیوشن ولوں جاری بیان اچ آکھیا ڳیا جو جعلی حج پیکیج دے ذریعے مقامی شہریاں اتے غیر ملکیاں توں رقم کیتے دھوکہ دا ہر کم سنگین جرائم دی فہرست اچ شامل اے۔