اسرائیل دی وزارت اقتصادی امور تے صنع تتے متحدہ عرب امارات دے وزارت خارجہ تجارت دے وزیر دا آکھݨ ھا کہ اسرائیل تے متحدہ عرب امارات دے درمیان آزاد تجارتی معاھدے پاروں گالھ مہاڑ مکمل تھئی گئی ھِ
قطری خبر رساں ادارے الجزیرہ دی رپورٹ دے مطابق یو اے ای دے وزیر اقتصادی امور عبداللہ بن طوق المری نے استعمال اچ آکھا ھا کہ متحدہ عرب امارت تے اسرائیل دی باہمی تجارت دا ھجم ٦٠ کروڑ ڈالر توں ٧٠ کروڑ ڈالر دے درمیان ھِ ۔ متحدہ عرب امارات تے اسرائیل نے باضابطہ طور تے ٢٠٢٠ اچ امریکا دی ثالثی اچ تھیوݨ والے ابراہم معاھدے دے تحت تعلقات قائم کیتے ھن، معاھدے اچ بحرین تے مراکش وی شامل ھن۔
اسرائیلی دی وزارت اقتصادی امور نے اپنڑیں بیان اچ ڈسایا کہ تازی ترین معاھدے دے تحت تجارت کیتنی ونجݨ والی ٩٥ فیصد مصنوعات شامل ھن جو فوری طور تے یا بتدریج کسٹم ڈیوٹی نہ ڈیسن۔ معاھدے دے تحت شامل انہاں چیزاں اچ خوراک زراعت تے کاسمیٹک مصنوعات دے نال نال طبی آلات تے ادویات شامل ھن ۔ بیان اچ آکھا گئیا ھِ کہ ایں معاھدے اچ ریگولیشن ، کسٹم سروس حکومتی خریداری تے الیکٹرانکس چیزاں دی تجارت شامل ھِ تے اے ایں ویلے نافذ العمل ہوسن جئیں ممالک دے وزرائے اقتصادی امور دے دستخط ہوسن تے ایندی توثیق کیتی ویسی ۔ معاھدے تے عمل درآمد دا کوئی ویلا کینی ڈیتا گئیا۔ اسرائیل تے یو اے ای دے درمیان آزاد تجارتی معاھدے پاروں گالھ مہاڑ مذاکرات گزریل سال نومبر توں جاری ھن۔
