وزیراعظم عمران خان دی بہترین پالیسیاں پاروں کورونا وائرس دی وبا دے باوجود ملک اچ معیشت دا پیتھا چلدا پئے ، فرخ حبیب
اسلام آباد۔1مارچ (اے پی پی):وزیر مملکت اطلاعات و نشریات فرخ حبیب آکھیے جو وزیراعظم عمران خان دی بہترین پالیسیاں پاروں کورونا وائرس دی وبا دے باوجود ملک اچ معیشت دا پیتھا چلدا پئے ، ایف بی آر اڄوکے مالی سال جولائی توں فروری 8 مہینے اچ 3799ارب دا ٹیکس جمع کیتے جیڑھا جو پچھلے مالی سال دی ایں مدت توں 30 فیصد ودھ اے ۔منگل کوں آپݨے ٹویٹ اچ وزیر مملکت فرخ حبیب آکھیے جو 2018 اچ ن لیگ حکومت دےآخری سال اچ کل 3800 ارب روپے ٹیکس جمع تھیا ہئی ۔
