نینگر اساݙا اثاثہ ہن، کامیاب جوان پروگرام نال نینگراں کوں آپݨے پیراں تے کھڑا کریندے پیوں، وزیر مملکت اطلاعات تے نشریات فرخ حبیب

اسلام آباد۔24فروری  (اے پی پی) وزیر مملکت اطلاعات تے نشریات فرخ حبیب آکھیا جو نینگر اساݙا اثاثہ ہن، کامیاب جوان پروگرام نال نینگراں کوں آپݨے پیراں تے کھڑا کریندے پیوں۔ اساݙی حکومت کاروبار دوست اے۔ سازگار ماحول اتے ریلیف ݙیوݨ نال کاروباری سرگرمیاں ودھین اتے منافع وی ودھ ڳئے۔ خمیس کوں اسلام آباد دے مقامی ہوٹل اچ ایوارڈ تقریب توں خطاب کریندیں ہوئیں انہاں آکھیا جو کاروباری شعبے اچ وی ساریاں کوں نال ڳھن تے ٹرݨ ہک سوھݨی روایت اے۔ وزیراعظم عمران خان ، سماجی تحفظ اتے صحت دے شعبے کیتے مثالی اقدامات کیتن، 260ارب  روپے دےاحساس پروگرام دی چھتری تلوں 34 سماجی تحفظ دے پروگرام چلدے پئن۔ پہلی واری  45ہزار  روپے توں ڳھٹ آمدݨ تے احساس پروگرام دے تحت 92ہزار طلباء تے طالبات کوں سکالر شپ ݙتن۔