یوکرین دے دارالحکومت کیف اچ مارشل لاء نافذ کر ݙتا ڳیا

کیف۔24فروری  (اے پی پی) یوکرین دے دارالحکومت کیف  اچ    مارشل لاء نافذ کر ݙتا ڳیا ۔ یوکرین دے دارالحکومت کیف غیر ضروری کارکناں کیتے گھر اچ رہوݨ دا حکم جاری کیتے۔ کیف سٹی اسٹیٹ ایڈمنسٹریشن دے آفیشل ٹیلیگرام چینل تے خمیس کوں ہک اپ ڈیٹ اچ حکام وی تصدیق کیتی جو شہر ہݨ مارشل لا دے تحت اے۔ یوکرین دے صدر ولادیمیر زیلنسکی اتے کیف  دے میئر وٹالی کلِٹسکو ݙوہیں پہلے آکھیا ہئی جو اگر روس یوکرین تے پورا حملہ کیتا تاں مارشل لا لڳ ویسی۔ خمیس کوں ذرائع دے مطابق کیف اچ سارے سکول اتے کنڈر گارڈن سودھے سارے تعلیمی ادارے بند کر ݙتے ڳئن اتے پورے طبی نظام کوں الرٹ کر ݙتا ڳئے۔