صحت کارڈ فلاحی ریاست دو پہلی ٻلانڳھ اے، وزیر مملکت اطلاعات و نشریات فرخ حبیب

اسلام آباد ۔ (اے پی پی)وزیر مملکت اطلاعات و نشریات فرخ حبیب آکھیے وج صحت کارڈ فلاحی ریاست دو پہلی ٻلانڳھ اے۔ اپݨے ٹویٹ اچ انہاں آکھیا جو پہلے محدود وسائل آلے پاکستانی جیڑھے پرائیویٹ ہسپتالاں اچ علاج دا سوچ وی نہ سڳدے ہن، ہݨ وزیراعظم عمران خان دے صحت کارڈ نال سالانہ اپݨے ٹٻر دا 10 لکھ روپے تئیں مفت علاج کرا سڳسن۔ انہاں آکھیا جو وزیراعظم عمران خان دا پروگرام میرا پاکستان میرا گھر ہر پاکستانی دا خواب اے جیڑھا پورا تھیندا پئے، ڳھٹ 3 مرلہ، 5 مرلہ، 10 مرلہ گھراں کیتے بنکاں 120 ارب دے قرضہ منظور کر ڳھدن اتے 378 ارب قرض ݙے وی ݙتے۔ انہاں آکھیا جو وزیراعظم عمران خان دی کوشش نال تعمیرات دے شعبہ اچ بنکاں دے قرضے 355 ارب روپے تئیں پڄ ڳین ڄیڑھے دسمبر 2020 توں 163 ارب یعنی 85 فیصد ودھ ہین۔