مک اچ کھاد دی کوئی قلت نئیں، یوریا کھاد دی پیداوار 10 جنوری توں 4 للکھ 40 ہزار ٹن تھی ویسی، وفاقی وزیر صنعت و پیداوار خسروِ بختیار دی وزیر توانئی حماد اظہر اتے کھاد مل مالکان نال پریس کانفرنس

اسلام آباد۔ (اے پی پی):وفاقی وزیر برائے صنعت و پیداوار خسروِ بختیار آکھیے جو ملک اچ کھاد دی کوئی قلت نئیں، یوریا کھاد دی پیداوار 10 جنوری توں 4 لکھ 40 ہزار ٹن تھی ویسی، ملک اچ ایں ویلھے یوریا دی بوری 18 سو روپے اچ ملدی پئی اے۔ اے ڳالھ انہاں وفاقی وزیر برائے توانائی حماد اظہر اتے کھاد مل مالکان نال اسلام آباد اچ پریس کانفرنس کریندے آکھی۔ انہاں آکھیا جو 10 جنوری توں کھاد دی وادھو سپلائی شروع تھی ویسی، ملک اچ سستی کھاد ݙیوݨ کیتے اقدامات تھیندے پن، فروری اتے مارچ اچ ملک اچ ہک کروڑ 24 لکھ بوری کھاد موجود ہوسی، کھاد اتے پیداوار دی مسلسل نگرانی کریندے پئے ہیں، سندھ حکومت کھاد دے معاملے تے وفاق دا ہتھ ونݙاوے اتے سمنگلنگ روکی ونڄے۔ وفاقی وزیر حماد اظہر آکھیے جو یوریا پلانٹس کوں گیس ملدی پئی اے، ملک اچ کھاد دی پیداوار تاریخ اچ سب توں ودھ اے، سمگلنگ روکݨ تے کم کریندے پئے ہیں، مل مالکان تعاون کریندے پین، کساناں کوں ریلیف ملسی۔