اسلام آبادـ (اے پی پی) وزیر اعظم دی ہدایت تے محکمہ پولیس دی کارکردگی دی جانچ پڑتال ڈا آغاز تھی گے، غیر ذمہ داری دا مظاہرہ کرنڑ آلے اتے کارکردگی نہ ڈکھالنڑ آلے افسراں کوں شوکاز نوٹس جاری کرڈتے گن ، پنجاب دے 3 ڈی پی اوز کوں اظہار وجوہ دا نوٹس کر تے 7 ڈینھ اچ جواب منگ گھدا گے ۔بدھ کوں وزیرا عظم آفس دے میڈیا ونگ توں جاری تفصیل موجب سیٹیزن پورٹل تے شہریاں دے مسئلیں دے حل متعلق پولیس افسران دی کارکردگی رپورٹ تیار تھی گئی اے ۔
آئی جی پنجاب تے خیبر پختونخوا ولوں رپورٹ وزیر اعظم آفس کوں مل چکی اے جیں دی بنا تے غیر ذمہ داری اتے کاکردگی نہ ڈکھالنڑ آلے افسراں کوں شوکاز نوٹس جاری کرڈتے گن ۔ پنجاب دے 3 ڈی پی اوز کوں اظہار وجوہ دا نوٹس کر تے 7 ڈینھ اچ جواب منگ گھدا گے ۔جواب نہ ڈیونڑ دی صورت اچ سخت کارروائی دا عندیہ وی ڈتا گے ۔ رحیم یار خان، ننکانہ صاحب اتے بھکر ڈی پی او کوں نوٹس بھیجا گے۔ بہترین کارکردگی ڈکھالنڑ آلے افسراں کوں آئی جی پنجاب شاباش وی ڈتی اے ۔
ڈی پی او منڈی بہاوالدین، ایس پی گلگشت ملتان اتے ایڈیشنل آئی جی اسپیشل برانچ دی کارکردگی دی تعریف گی اے ۔ خیبر پختوانخوا دے6 پولیس افسراں کوں وی ناقص کارکردگی تے اظہار وجوہ دا نوٹس جاری کیتا گے ۔آئی جی کے پی کے انہاں افسراں کوں وارننگ جاری کیتی اے ۔ پنجاب دے 31 پولیس افسران ڈیلیوری یونٹ دی ریڈ کیٹیگری اچ شامل ہن۔ آئی جی پنجاب پولیس افسران کوں وارننگ ڈیندے ہوئیں کارکردگی بہتر بنڑاوݨ دی ہدایت کیتی اے ۔
