پاکستان کشمیریاں دے حق خودارادیت دی جدوجہد اچ انہاں دے رلے کھڑے ، وزیر اعظم عمران خان
اسلام آباد , وزیر اعظم عمران خان آکھیے جو پاکستان کشمیریاں دے حق خودارادیت دی جدوجہد اچ انہاں دے رلے کھڑے ۔اے گال انہاں اتوار کوں الحاق پاکستان دے تاریخی ڈینھ دی مناسبت نال اپنڑے ٹویٹ پیغام اچ آکھی اے ۔اے ڈینھ کشمیریاں ولوں پاکستان توں الحاق دی قرارداد دی منظوری دی یاد وچ منایا ویندے ۔ وزیر اعظم عمران خان آکھیے جوکشمیریاں دا حق خود ارادیت بین الاقوامی قانون اتے اقوام متحدہ دی سلامتی کونسل دے تحت منیا ہویا اے ۔
انہاں آکھیے جو کشمیر اچ عوام مقبوضة جموں تے کشمیر اچ بھارت دی فاشسٹ اتے ہندوبالادستی تے یقین رکھنڑ آکھنڑ آلی حکومت دے غیر قانون اقدامات تے بہیمانہ ظلم دے خلاف سینہ تانڑی کھڑن، اساں حق تے انصاف دی ایں جدوجہد اچ انہاں دے رلے کھڑے انہاں کوں انصاف مل تے رہسی ۔ اے پی پی
او ڈینھ پرے کائنی جڈاں کشمیری شہیداں دا خون رنگ گھن آسی تے کشمیر دا پاکستان نال الحاق تھیسی ، صدر مملکت ڈاکٹر عارف علوی
صدر مملکت ڈاکٹر عارف علوی آکھیے جواو ڈینھ پرے کائنی جڈاں کشمیری شہیداں دا خون رنگ گھن آسی تے کشمیر دا پاکستان نال الحاق تھیسی ۔اتوار کوں کشمیر دے یوم الحاق پاکستان تے سنھیے وچ انہاں آکھیے جو 19جولائی 1947ءکوں پاکستان دے نال کشمیر دے الحاق دی قرارداد منظور کیتی گی ۔ایں ڈینھ کوں مناونڑ دا مقصد ایں عزم دا اعادہ کرنڑاں اے کشمیری بھارت دے غاصبانہ قبضے توں آزادی اتے پاکستان نال الحاق کیتے پرعزم ہن ۔انہاں آکھیے جو او ڈینھ پرے کائنی جڈاں کشمیری شہیداں دا خون رنگ گھن آسی تے کشمیر دا پاکستان نال الحاق تھیسی ،بھارت کشمیر تے غاصبانہ قبضہ جما رکھیے تے کشمیریاں تے ظلم کریندا کھڑے ، پاکستان کشمیریاں تے بھارتی ظلم دے خلاف ہر عالمی فورمز تے آواز چیندا کھڑے ۔
کشمیریاں دا پاکستان نال الحاق ثبوت اے جو انہاں دا دل پاکستان وچ وسدے ،وفاقی وزیر اطلاعات و نشریات سینیٹر شبلی فراز
وفاقی وزیر اطلاعات و نشریات سینیٹر شبلی فراز آکھیے جو کشمیریاں دا پاکستان نال الحاق ثبوت اے جو انہاں دا دل پاکستان وچ وسدے،اے فیصلہ طاقت تے جبر دے ذریعے زیر کرنڑ آلیں دے منہ تے تاریخ دا زور دا طمانچہ اے ۔ اتوار کوں اپنڑے ٹویٹ اچ وفاقی وزیر اطلاعات و نشریات سینیٹر شبلی فراز آکھیے جو کشمیریاں دے حق خودارادیت دی منزل دے حصول تئیں انہاں دی اخلاقی، سیاسی اتے سفارتی حمایت پوری طاقت نال جاری رکھیسوں
