سی پیک اچ ایران دے رلݨ تے افغانستان اچ قیام امن دا ساریں کوں فائدہ تھیسی ، شاہ محمودقریشی
وزیرخارجہ مخدوم شاہ محمودقریشی آکھیے جوسی پیک اچ ایران دے رلنڑ تے افغانستان اچ قیام امن دا ساریں کوں فائدہ تھیسی،اے بھارت کیتے ہک جھٹکا اے ۔بھارت پاکستا کوں کلہا کرنڑ اچاہندا ہئی ، لیکن ہنڑ کود کلھا تھی گئے ۔جمعے کوں اپنڑے ہک بیان اچ وزیر خارجہ آکھیے جو سی پیک اچ ایران دا رلنڑ بھارت کیتے ہک جھٹکا اے ، بھارتی حکومت تے اپوزیشن تنقید کریندی پئی اے ۔ شاہ محمود قریشی آکھیے جو چین تے بھارت وچال جھیڑے پاروں کئی بھارتی فوجی ہلاک تے زخمی تھئن ، نیپال دی پارلیمنٹ کوں قرارداردے ذریعے مطالبات پیش کرنڑیں پئے گئن ۔
وزیر خارجہ آکھیے جو بھارت دے بنگلہ دیش نال تعلقات اچ وی پہلے وانگوں گرمجوشی کائنی رہی ۔ وزیر خارجہ آکھیے جو کل بھارتی سفارتکارکلبھوشن دی کوئی گال سنڑیے بغیر چلے گئن ۔ بھارتی سفارتکار گال کرنڑ توں کتریندے رہیے ،کلبھوشن الویندا رہ گیا ، بھارتی سفارت کار بھج گئے ۔ شاہ محمودقریشی آکھیے جو بھارت دی بد نیتی کھل تے سامنڑے آگئی اے اے رسائی کائناں چاہندے ہن ۔ انہاں کوں شیشے تے اعتراض ہئی او وی ہٹا ڈتا گیا اساں آکھیا جو ہک دے علاوہ سیکورٹی اہلکار وی ہٹا ڈیندوں۔ شاہ محمودقریشی آکھیا جو سکیورٹی دے پیش نظر کلبھوشن کوں بالکل کلھا نہ چھوڑ سگدے ہاسے پتہ نی کیا کر گھندے ۔ اے پی پی
