وزیراعظم عمران خان نال مشیر موسمیاتی تبدیلی ملک امین اسلم دی ملاقات
گرین پاکستان پروگرام دے تحت ملک اچ ”پروٹیکٹڈ ایریا انیشیٹو“ شروع کرنڑ دی منظوری ڈتی
اسلام آباد ۔ وزیراعظم عمران خان گرین پاکستان پروگرام دے تحت ملک اچ ”پروٹیکٹڈ ایریا انیشیٹو“ شروع کرنڑ دی منظوری ڈتی اے ۔ انہاں اے منظوری وزیراعظم دے مشیر موسمیاتی تبدیلی ملک امین اسلم نال سنوار کوں اتھاں ملاقات دے موقع تے ڈتی اے ۔ وزیراعظم میڈیا آفس توں جاری پریس ریلیز موجب اے ملاقات گزریل مہینے وزیراعظم ولوں منظور کیتے گئے ایں پیکیج دے تسلسل اچ ہئی جیں اچ کووڈ۔19 پاروں بے روزگاری دا سامنڑاں کرنڑ آلے 65 ہزار نینگراں، ڈیلی ویجرز دی پورے ملک اچ شجر کاری اچ خدمات شامل کرنڑاں اے ۔
ملاقات کریندے ہوئیں وزیراعظم گرین پاکستان پروگرام دے تحت ملک اچ ”پروٹیکٹڈ ایریا انیشیٹو“ شروع کرنڑ دی منظوری ڈتی ۔ ایں اقدام دے تحت جنگلی حیات اتے شجرکاری دے تحفظ کےتے 12 قومی پارک بنڑائے ویسن ۔ وزیراعظم عمران خان ایں موقع تے ہدایت کیتی جو منصوبے تے سارے صوبیں دے وزراءاعلیٰ کوں اعتماد اچ گھدا ونجے۔ انہاں آکھیے جو ایں منصوبے نال کووڈ 19توں متاثرہ لوکاں کوں ملازمت دا موقع مل سگے ایندے نال نال ملک دے قدرتی وسائل وی محفوظ تھی سگن ۔ وزیر اعظم ”پروٹیکٹڈ ایریا انیشیٹو“ دا وزارت ولوں فریقین دے نال مشاورتی عمل پورا تھیونڑ تے وختی افتتاح کریسن ۔ اے پی پی
