اسلام آباد ۔ کورونا وائرس دے پاروں عالمی منڈی ءچ خام تیل دی قیتماں ءچ گزریل تریھ مہینے توں گراوٹ ݙیکھݨ ءچ آئی ھِ جیندے اثرات پاکستان تے وی ݙیکھائی ݙیندے پئے ھن گزریل مہینے وی پندرہ روپے کمی کیتی گئی ھائی تاہم ماہ جون ءچ وی کمی دا امکان ھِ
تفصیل دے مطابق اوگرا دی طرفوں پیٹرولیم مصنوعات دی قیمتاں ءچ ردو بدل دی سمری وزارت پیٹرولیم کوں بھیجوا ݙیتی گئی ھِ جیندے مطابق پیٹرول ست روپے چھی پیسے تے مٹی دا تیل گیارہ روپے ٨٨ پیسے سستا کرݨ دی سفارش کیتی گئی ھِ ، اوگرا دی طرفوں وزارت پیٹرولیم کوں بھیجوائی گئی سمری ءچ لائٹ ڈیزل ٩ روپے ٣٧ پیسے سستا کرݨ جبکہ ہائی اسپیڈ ڈیزل ٥ پیسے مہنگا کرݨ دی سفارش کیتی گئی ھِ قیمتاں ءچ ردوبدل دا حتمی فیصلہ حکومت کریسی جبکہ قیمتاں ءچ ردبدل تے عملدرآمد یکم جون توں تھیسی ۔
