اسلام آباد (اے پی پی)وفاقی وزیر مذہبی امور پیر نور الحق قادری اقلیتی کمیشن اچ قادیانیاں کوں رلاونڑ دیاں خبراں دی تردیدکریندے آکھیے جو اینجھاں خبراں اچ کوئی سچائی کائنی،قادیانی آئین دے مطابق غیر مسلم ہین، انہاں کوں کہیں وی کمیشن یا کمیٹی اچ بطور مسلم یا غیر مسلم نمائندہ شامل نئیں کیتا ونج سگدا،حکومت ایندی سختی نال تردید کریندی اے جو اقلیتی کمیشن اچ قادیانیاں کوں پاونڑ دا فیصلہ کیتا گئے۔
ہک بیان اچ انہاں واضح کیتے جو حکومت پاکستان دا موقف واضح اے جو کہیں وی گروہ یا جماعت کوں اوں صورت اچ آئینی اتے دستوری اداریاں اچ رلایا ونج سگدے جو او آئین اتے دستور کوں منیندے ہوون، قادیانی جماعت آئین اتے دستور کوں من تے ہی پاکستان دی کہیں کمیٹی یا کمیشن اچ رل سگدی اے،پوری قوم پاکستان دے آئین دے طابع اے، حکومت توں کہیں وی غیر آئینی غیر دستوری عمل دی توقع نئیں کیتی ونجنڑی چاہیدی۔
