اسلام آباد (اے پی پی)وزیر اعظم عمران خان پاکستان سودھا ترقی پذیر ممالک کیتے جی 20 تنظیم، آئی ایم ایف اتے ورلڈ بینک ولوں قرضاں اچ ریلیف کیتے اقدامات دی تعریف کیتی۔
انہاں اے تعریف اسلام آباد اچ مشیر خزانہ ڈاکٹر عبد الحفیظ شیخ نال ملنڑ ویلھے آکھی۔مشیر خزانہ ڈاکٹر عبدالحفیظ شیخ وزیر اعظم عمران خان کوں کورونا وائرس دے معاشی اثرات نال نبڑن کیتے آئی ایم ایف ولوں 1.4 ارب ڈالردی وادھو رقم دیاں بیاں سوکھیاں شرطاں تے فراہمی بارے دصایا اتے حکومت ولوں اقتصادی بحالی پیکج دے مختلف پہلواں تے پیش رفت بارے وی ڈسایا۔
