متحدہ عرب امارات حکومت داملک اچ پھسیے پاکستانیاں دے ویزے اچ توسیع دا اعلان

اسلام آباد ۔ 16 اپریل (اے پی پی) وزیر اعظم دے معاون خصوصی برائے سمندر پار پاکستانیز سید ذوالفقار بخاری دی کوشش نال متحدہ عرب امارات حکومت کورونا وباءپاروں پھسیے پاکستانیاں دے ویزے اچ توسیع دا اعلان کیتے ۔وزار ت اوورسیزموجب یواے ای حکومت پاکستانی ملازمین داآپ تحفظ کریسی، ملازمتاں توںبرطرف ملازمین کوں پوری تنخواہ ڈتی ویسی، جیڑھے پاکستانی اتھائیں راہنڑ چاہسن انہاں کوں قانونی تحفظ ڈتا ویسی،جڈاں جو پاکستان ولنڑ آلے ملازمین کوں متحدہ عرب امارات دی کمپنیاں ایئر ٹکٹ دا خرچہ ڈیسن اتے وبا دے دوران پاکستانی ملازمین کوں ورچوئل روزگارڈتا ویسی۔یواے ای دے وزیر انسانی وسائل بھرپور رابطاں، ودھ تعاون،عرب امارات توں پاکستانیاں دی واپسی کیتے فلائیٹ آپریشن دی بحالی کوں مثبت اقدام قرارڈیندے حکومت پاکستان اتے معاون خصوصی ر زلفی بخاری دا شکریہ اداکیتے ۔