شہراں اچ بندش پاروں کورونا وباءکھنڈݨ اچ کمی آئی اے ، اقتصادی اثرات توں امیر غریب ڈوہیں متاثر تھیندے پئن ، وفاقی وزیر منصوبہ بندی ترقی واصلاحات و خصوصی اقدامات اسدعمر دی نیشنل کمانڈ اینڈآپریشن سینٹراچ نیوز بریفنگ
اسلام آباد (اے پی پی) وفاقی وزیر منصوبہ بندی ترقی واصلاحات و خصوصی اقدامات اسد عمر آکھیے جو شہراں اچ بندش پاروں کورونا وبا دے کھنڈنڑ اچ کمی آئی اے ، اقتصادی اثرات نا ل معاشرے دے امیرغریب ڈوہیں طبقے متاثر تھیندے پئن ، ہسپتالاں کوں براہ راست حفاظتی سامان ڈیندے پیوں ۔اے گال انہاں اتوار کوں نیشنل کمانڈ اینڈ آپریشن سینٹراچ نیوز بریفنگ نال خطاب کریندے ہوئیں آکھی اے ۔
وفاقی وزیر آکھیے جو شہراں دی بندش نال معشیت تے وی اثر تھیندا پئے ،لیکن ایندے نال بہوں حد تئیں کورونا وائرس دے کھنڈنڑ اچ کمی ڈیکھنڑ اچ آئی اے ۔انہاں آکھیے جو پاکستانی قوم نظم و ضبط دا مظاہرہ کریندی پئی اے ۔حفاظتی اقدامات اتے سماجی میل جول اچ فاصلے نال وبا تے قابو پاتا ونج سگدے ۔
انہاں آکھیے جو میڈیکل دا تحفظ یقینی بنڑایا ویندا پئے حفاظتی اقدامات نال وباءتے کنٹرول کیتا ونج سگدے ،شہری کافی حد تئیں اختیاطی تدابیر تے عمل کریندے پئن ،خوشی دی گال اے ہے جو پاکستانی قوم نظم و ضبط دا مظاہرہ کریندی پئی اے ۔انہاں آکھیے جو ٹیسٹ کرنڑ دی صلاحیت محدود ہئی ہنڑ اینکوں ودھا ڈتا گئے ۔ہک سوال دے جواب اچ انہاں آکھیے جو ہنڑ وی بہوں سارے علاقیں اچ احتیاطی تدابیر تے عمل کائنی تھیندا پیا ، اگر سارے پاکستانیاں احتیاطی تدابیر تے عمل کیتا تاں وختی ایں وباءتے کنٹرول کر گھنسوں ۔
