اسلام آٻاد ۔ ڈپٹی اسپیکر قومی اسمبلی قاسم خان سوری چیئرمین نیشنل ڈیزاسٹر مینجمنٹ اتھارٹی لیفٹیننٹ جنرل محمد افضل نال ملاقات کیتی ۔ قومی اسمبلی سیکرٹریٹ توں جاری بیان دے مطابق ملاقات اچ بلوچستان اچ کورونا وائرس اتے لاک ڈاو ¿ن پاروں پیدا شدہ صورت حال تے گال مہاڑ کیتی گئی ۔
ایں موقع تے ڈپٹی سپیکر قاسم خان سوری آکھیے جو بلوچستان ہک پسماندہ صوبہ اے اتے موجودہ حالات اچ محرومیاں مزید ودھ گئن ، بلوچستان دے حالات کوں سامنڑے رکھیندے ہوئیں کورونا وائرس نال نبڑبنڑ کیتے ودھ توں ودھ سہولتاں ڈتیاں ونجن ۔ایں موقع تے چیئرمین این ڈی ایم اے آکھیا جو بلوچستان دی پسماندگی کوں سامنڑے رکھیندے ہوئیں صوبے کوں ترجیحی بنیاداں تے حفاظتی سامان ڈتا ویسی ۔ بلوچستان حکومت کوں 4800 ٹیسٹنگ کٹس ڈتیاں گئن جڈاں جو تقریباً 37 ہزار کٹس اسلام آباد اچ قائم ریزرو رکھیاں گئن ۔ایں ویلھے اساڈی ساریں توں وڈی ترجیح کورونا وائرس دے خلاف جدوجہد اچ فرنٹ لائن تے موجود ڈاکٹرز، نرساں اتے پیرا میڈیکل سٹاف کوں حفاظتی اتے طبی سامان دی فراہمی اے۔ اے پی پی
