یمن توں سعودی عرب دے سرحدی شہاراں تے میزائل حملے

یمن توں سعودی عرب دے سرحدی شہاراں تے میزائل حملے

سعودی ایئر ڈیفنس نے ریاض تے یمن سرحد دے نیڑے شہار تے سٹے گئے بلیسٹک میزائل ھملے کوں روکݨ دا دعوی کیتا ھِ ایندے نتیجے ءچ گھٹ توں گھٹ ݙو شہری زخمی تھئے ھن۔

واضح رھاوے کہ سعودی عرب ءچ کورونا وائرس دے کھینڈݨ کوں روکݨ دے پاروں دارالحکومت ریاض ءچ ایں ویلے کرفیو وانگوں لاک ڈاون ھِ غیر ملکی خبر رساں ادارے اے ایف پی دی رپورٹ دے مطابق ریاض ایں حملے دے دوران متعدد دھماکیاں دی آوازاں سنڑائی ݙیتیاں جیندے بارے سعودی فوجی اتحاد نے یمن ءچ ایران دی حمایت یافتہ حوثی باغیاں تے الزام عائد کیتا جو ایں توں پہل وی سعودی شہریاں تے میزائل راکٹ تے ڈرونز نال حملہ کر چکے ھن۔

تاہم واضح رھاوے کہ پچھلے سال ستمبر ءچ سعودی تیل تنصیبات تے ݙو حملیاں دے بعد حوثی باغیاں دی طرفوں حملے روکݨ دی پیشکش دے بعد اے پہلا وݙا حملہ ھا ۔ ݙوجہے پاسے سعودی پریس ایجنسی ایس پی اے نے باغیاں نال لڑݨ والے سعودی اتحاد دا حوالہ ݙیندے ہووے آکھیا کہ ریاض تے جزان شہاراں دی طرفوں ݙو بیلسٹک میزائل مارے گئے ھن ۔