جسٹس مظاہر علی اکبر نقوی سپریم کورٹ دے جج دی حیثیت نال حلف چا گھدے
اسلام آباد۔ جسٹس مظاہر علی اکبر نقوی سپریم کورٹ دے جج دی حیثیت نال حلف چا گھدے ۔ سنوار دے ڈینھ عدالت عظمی دے ہال اچ حلف برداری دی تقریب تھئی ۔چیف جسٹس گلزار احمد جسٹس مظاہر علی اکبر نقوی توں سپریم کورٹ دے جج دے عہدے کیتے حلف گھدے۔حلف برداری دی تقریب اچ سپریم کورٹ دے معزز ججز صاحبان ،لاء افسران ،عدالتی عملے اتے سینئر وکلاءشرکت کیتی۔ سپریم جوڈیشل کمیشن دی سفارش تے پارلیمانی ججز دی تقریری کمیٹی جسٹس مظاہر علی اکبر نقوی دی بطور سپریم کورٹ جج تعیناتی کیتے منظوری ڈتی ہئی ۔چیف جسٹس آصف سعید کھوسہ دی ریٹائرمنٹ دے بعد سپریم کورٹ اچ جج دا عہدہ خالی ہئی۔جسٹس مظاہر علی اکبر نقوی لاہور ہائیکورٹ دے سینئر جج دے عہدے تے کم کریندے پئے ہن۔ اے پی پی
