صدر مملکت ڈاکٹر عارف علوی چین دے 2 ڈینھ دورے تے روانہ
اسلام آباد ۔ صدر مملکت ڈاکٹر عارف علوی چین دے 2 ڈینھ دورے تے روانہ تھی گئن ۔ سنوار کوں ایوان صدر توں جاری بیان موجب صدرمملکت ڈاکٹر عارف علوی اے دورہ چین دے صدر شی جن پنگ دی دعوت تے کریندے پن ۔ آپنڑے دورے دے دوران صدر مملکت ڈاکٹر عارف علوی اپنڑے ہم منصب شی جن پنگ اتے چینی قیادت نال ملاقاتاں کریسن ۔ دورے دا مقصد پاکستان دی ولوںکورونا وائرس دے پیش نظر چین دی حکومت اتے عوام نال پورا تعاون تے یکجہتی دا اظہار کرنڑاں اے ۔ دورے نال ڈوہیں برادر ملکاں وچال تاریخی ، سانجھے اعتماد تے تعاون تے مبنی تعلق بیا ودھسی ۔ اے پی پی
