اسلام آباد ۔ پالیسی ءچ وݙی تبدیلی کریندے ہووے حکومت نے گیس دی ݙو کمپنیاں دے بورݙ آف ڈائریکٹراں تے منیجنگ ڈائریکٹراں کوں باضابطہ طور تے صارفین کوں قیمتاں دے ذریعے ریلیف پھجاوݨ کیتے ریونیو دے وݙے حصے کوں چھوڑن دی ھدایت کر ݙیتی ھِ. ھک مراسلے ءچ پیٹرولیم ݙویژن نے سوئی سدرن گیس کمپنی لمیٹڈ (ایس ایس جی سی ایل) سوئی نادرن گیس پائپ لائن لمیٹڈ (ایس این جی پی ایل) دے چیئرپرسناں کوں گاھکاں کیتے قیمتاں ءچ ریونیو ضرورت کوں گھٹ کرݨ کیتے اپنڑیں بورڈ توں منظوری گھنݨ دی ھدایت کر ݙیتی۔اخباری رپورٹ دے مطابق مراسلے ءچ کمپنیاں کوں اپنڑیں اکاونٹنٹ فارگیس (یو ایف جی ) دے بینچ مارک اوگرا دے منظور شدہ ٦ اعشاریہ ٣ فیصڈ توں گھٹ کر تے ٤ فیصد کرݨ دی ھدایت کر ݙیتی ھِ جئیں نال گیس کمپنیاں دے ریونیو ءچ ھک سال ءچ ١٠ ارب روپے کمی آ ویسی۔مزید اے آکھیا کہ گیس کمپنیاں توں ریٹ آف ریٹرن اوگرا دے منظور شدہ ١٧ تے ٥۔١٧ فیصد توں گھٹ کر تے ١٥ فیصد کرݨ دا وی آکھیا گئیا جئیں نال انہاں دے ریونیو ءچ ھک سال دے عرصے ءچ ٥ ارب دی کمی آسی۔ ایندے علاوہ ݙیتی گئی ھدایت ءچ اثاثیاں تے فرسودگی دی شرح ھک فیصد گھٹاوݨ دا وی مطالبہ کیتا گئیا جیندے نال مالی اثرات ٥ ارب دے برابر ہوسن۔ سب توں اہم اے کہ ݙونہاں گیس کمپنیاں کوں مزید ٥ ارب روپے دی گنجائش پیدا کرݨ کیتے مجموعی ترسیلی تے تقسیمی لاگت کوں گھٹ رک تے معقول بنڑاوݨ دی وی ھدایت کیتی گئی ھِ
