امریکا نال امن معاھدہ، طالبان رہنما نے وی چپ توڑ ݙیتی، افغان عوام کیتے وݙی خوشخبری

کابل ، واشنگٹن ۔ امریکا تے طالبان دے درمیان کشیدگی دے خاتمے تے افغانستان ءچ امن دے امکانات روشن تھیوݨ لگ گئے امریکی ، پاکستانی تے افغان حکومت دے بعد طالبان رہنما نے وی معاھدہ تھیوݨ دا امکان ظاہر کر ݙیتا ، طالبان رہنما سراج الدین حقانی دا امریکی اخبار نیو یار ٹائمز ءچ آرٹیکل وی چھپ گئیا جیندے ءچ انہاں دا آکھݨ ھا کہ افغان عوام جلد ھی امن معاھدے دی خوشی منیسی ، اپنڑیں آرٹیکل دے آغاز ءچ انہاں دا آکھݨ ھا کہ امریکا نال مذاکرات دا آغاز تھیا تاں اساں کوں کامیابی تے ذرا وی یقین نا ھا ۔ انہاں آکھیا کہ اٹھارہ سال دی طویل تے خونریز جنگ تے مذاکرات دے کئی مرحلیاں دے بعد ھن اساݙے کیتے ممکن نا ھا کہ اساں امریکا تے مزید اعتبار کروں ایندے باوجود اساں ھک واری ول کوشش کرݨ دا فیصلہ کیتا ھِ ، اے طویل جنگ ہر فریق کیتے تباہی دی وجہہ ھائی ایں کیتے اساں سوچا کہ امن دی کوشش ءچ شامل نا تھیوݨ عقل مندی کینی ۔ گزرن چار دھائیاں توں افغان عوام دی زندگیاں مسلسل ضائع تھیندیاں پیاں ھن ہر بندے نے اپنڑاں کوئی نا پیارا ونجا ݙیتے ہر بندہ جنگ توں تھک چکا ھِ میں قائل تھئی گئیاں کہ قتل و غارت گری ھݨ ختم تھیونڑی چاھیدی ھِ انہاں اے وی واضح کیتا کہ امریکی سربراھی ءچ لڑݨ والے غیر ملکی اتحاد دے نال جنگ اساں شروع نی کیتی ، اساں کوں دفاع تے مجبور کیتا گئیا ، غیر ملکی فوجاں دا جگہ خالہ کر ݙیوݨ ھی اولین مطالبہ ھا تے اج جئیں ویلے اساں امریکا دے نال معاھدہ کرݨ دی پوزیشن ءچ آ گئے ھیسے تاں کوئی معمولی گالھ کینی بلکہ ھک اہم سنگ میل ھِ انہاں لکھا کہ ملا عبدالغنی برادر تے شیر محمد عباس دی قیادت ءچ اساݙی مذاکراتی ٹیم نے امریکا دے نال معاھدے کوں حتمی شکل ݙیوݨ ءچ اٹھارہ تک انتھک محنت کیتی ھِ کئیں واری مذاکرات تاخیر دا شکار نظرے۔ امریکی کارروائیاں حتہ کہ امریکی صدر دی طرفوں مذاکرات دے خاتمے دے باوجود اساں امن تے مذاکرات دے دروازے کھلے رکھے کیونکہ این جنگ نال سبھ توں وݙی اذیت افغاناں واسطے ءچ، سراج الدین دا آکھݨ ھا کہ آسمان توں موت دے وسݨ دے باوجود طالبان نے مذاکرات دی کامیابی کوں یقینی بنڑاوݨ کیتے کوشش کیتی ۔ ݙو دھائیاں تک بہادری دے نال لڑے رہے تاکہ اپنڑیں ملک دا محاصرہ ختم کروں تے ایندے ءچ امن و سلامتی گھن تے آون ، اساں غیر ملکی افواج دے انخلاء دے بعد ملک ءچ بنڑوݨ والی حکومتاں تے ایں اقوام عالم دے تحفظات نال آگاہ ہیں انہاں تحفظات تے میڈا موقوف اے ھِ کہ انہاں تمام خدشات دا تعلق افغانیاں دا باہمی ھِ اساݨ غیر ملکیاں دے ونجݨ توں بعد وی اپنڑی بہتری توں متعلق باہمی مذاکرات دا سلسلہ روکݨ نا ݙیسوں اساں دیگر فریقاں دے نال مل تے کم کرݨ کوں تیار ہیں