اسلام آباد ۔ دفتر خارجہ دی ترجمان عائشہ فاروقی نے خبردار کیتا ھِ کہ آئندہ ١٠ روز ءچ عالمی رہنماواں دے خطے دے دورے دے درمیان نویں دھلی دی طرفوں کوئی ممکنہ کارروائی کیتی ونج سکدی ھِ ، اخباری رپورٹ ءچ آکھا گئیا کہ ہفتہ وار بریفنگ دے دوران ترجمان دفتر خارجہ نے آکھیا کہ خطے دے اعلی سطحی دوریان دے درمیان بھارت دی طرفوں خلیل پیدا کرݨ دے امکانات تے اساں کوں تحفظات ھن، دوران گالھ مہاڑ پاکستان نے امریکہ دی طرفوں بھارت کوں فضائی دفاع دے ہتھیاراں دے مربوچ نظام دی فروخت دے فیصلے کوں پریشان کن قرار ݙیندے ہووے آکھیا ھِ ایں توں پہل اے مسائل دا شکار خطے ءچ مزید عدم استحکام دا شکار تھئی ویسی۔ عائشہ فاروقی نے آکھیا کہ بھارت کوں ایہو جئے جدید ہتھیاراں دی فروخت نال خطے ءچ اسٹریٹیجک توازن ویگڑسی کیونکہ ایندے پاکستان تے خطے دی سلامتی تے اثرات مرتب تھیسن۔ انہاں آکھیا کہ امریکا تے بھارت دے درمیان دفاعی تعلقات جنوبی ایشیاء ءچ امن و سلامتی دی صورتحال ءچ عدم استحکام دی وجہہ ھن، ترجمان نے آکھیا کہ جنوبی ایشیاء ہتھیاراں دی دوڑ تے تصادم دا متحمل نی تھئی سکدا ، ایں کیتے عالمی برادری تے اے ذمہ داری عائد تھیندی ھِ کہ او خطے کوں عدم استحکام دا شکار تھیوݨ توں بچاوے انہاں آکھیا کہ عالمی برادری پاکستان دیخلاف بھارت دی جارحانہ پالیسیاں ، عزم تے بھارت دی سیاسی تے عسکری قیادت دی دھمکی آمیز بیانات توں آگاہ ھِ ۔
بھارت دی طرفوں جنگ بندی معاھدے دی ودھدی خلاف ورزیاں تے تشویش ظاہر کریندے ہووے عائشہ فاروقی نے آکھیا کہ بھارت این سال دے آغاز توں ھن تک ٢٧٣ واری جنگ بندی دی خلاف ورزیاں دا ارتکاب کیتا ھِ جیندے نتیجے ءچ ٣ شہری شہید تے ٢٥ شدید زخمی تھئے۔
ایں موقع تے انہاں بھارت دی طرفوں جعلی آپریشن دا خطرہ ظاہر کریندے ہووے آکھیا کہ خطے ءچ ترک صدر رجب طیب اردوان تے اقوام متحدہ دے سیکریٹری جنرل دے دورہ پاکستان تے امریکی صدر ڈونلڈ ٹرمپ دے دورہ بھارت دے موقع تے بھارت دی طرفوں توجہ ھٹاوݨ کیتے کہیں قسم دی کارروائی کیتی ونج سکدی ھِ
ترجمان دفتر خارجہ دا آکھݨ ھا کہ امریکی صدر دی طرفوں پاکستان تے بھارت دے درمیان کئی واری ثالثی دی پیش کش کیتی گئی ایں پیشکش کوں حقیقی روپ ݙیتا ونجے انہاں دا آکھݨ ھا کہ توقع ھِ کہ اپنڑیں دورہ ہندستان ءچ امریکی صدر نیندر مودی نال ایں مسئلے تے گالھ کریسن۔
