معاشی اُتے اقتصادی چارٹر ویلھے دی لوڑ ھ، خسروبختیار

اسلام آباد  (اے پی پی) وفاقی وزیر قومی غذائی تحفظ مخدوم خسرو بختیار آکھیے جو معاشی اتے اقتصادی چارٹر ویلھے دی لوڑھ اے،حکومت اتے ساریاں سیاسی جماعتاں مل تے اقتصادی ترقی کیتے کردارادا کرن۔اے گالھ انہاں قومی اسمبلی اچ ملکی اقتصادی صورتحال تے بحث اچ حصہ گھندے ہوئے آکھی۔انہاں آکھیا جوپوری قوم دیاں نظراں ملکی معیشت تے تھیونڑ آلی بحث تے لگیاں ہوئن،جڈاں ساڈی حکومت آئی تاں قرضے جی ڈی پی دی شرح توں 78 فیصد ہن،چھی مہینے اتے ہک سال اچ ملکی معیشت دا ڈھانچہ کیویں بدل سگدے،مسلم لیگ ن اتے پیپلزپارٹی دور اچ سرکاری اداریاں دے ودھ خسارے،ملکی معاشی بدحالی توں کون انکار کر سگدے؟ساکوں سوچنڑا چاہیدے جو ٹیکس نیٹ کوںو دھاونڑا ہوسی،اٹھارہویں ترمیم دے بعد وسائل صوبیاں کولو ویندے پین،وفاقی حکومت دا خسارہ ودھدا پئے،اے چیلنجز آونڑ آلیاں حکومتاں کوں وی تھیسن،ساکوں ہک نیشنل ڈویلپمنٹ فنانس ادارہ بنڑاونڑا ہوسی،معیشت کیتے رل مل تے کم کرنڑا ہوسی۔خسرو بختیار آکھیاجو مستقبل اچ آبادی دے چیلنجاں نال نمٹنڑ کیتے جامع پالیسیاں بنڑاونڑی ہوسن،اے ہک قومی معاشی چارٹر متعارف کراونڑ دا ویلھا اے،توانائی دی ڈاہ سالہ پالیسیاں بنڑاونڑیاں ہوسن۔انہاں آکھیا جو حکومت 300 ارب دا پروگرام شروع کیتے،سرٹیفائیڈ بیجاں دی پیداوارودھیندے پئے ہیں،کپاہ دی پیداوار ودھائی ویسی،زراعت دی اہمیت تے ایوان اچ مکمل بحث تھیونڑی چاہیدی اے۔