کشمیر اٹوٹ انگ یا وݙی جیل

امریکہ ءچ مقیم پاکستان دے سفیر نے آکھیا ھِ کہ بھارت اپنڑیں زیر انتظام کشمیر کوں وݙی جیل ءچ تبدیل کر ݙیتا ھِ پنجھ فروری کوں یوم یکجہتی کشمیر منا تے ایں ظلم دے خلاف آواز چاتی ونجے ، ڈوجہے پاسے بی جے پی ترجمان دا آکھݨ ھا کہ کشمیر بھارت دا اٹوٹ انگ ھِ ھک دہشت گرد ریاست کوں ایندے ءچ دخل ݙیوݨ دا کوئی حق کینی۔ واشگٹن ڈی سی ءچ پاکستانی سفیر اسد مجید خان نے گالھ مہاڑ کریندے ہووے آکھیا کہ پاکستان ءچ پنجھ فروری دا ݙینھ پاکستانی عوام کشمیریاں دے نال یوم یکجہتی دے طور تے منیندے ھیں بقول انہاں دے ایں سال یوم یکجہتی کشمیر دا ݙینھ بہوں زیادہ اہمیت دا حامل ھِ ایں ݙینھ بھارت دےپنجھ اگست کوں کیتے گئے اقدامات کوں چھی ماہ مکمل تھئی گئے ھن انہاں کشمیریاں دے بنیادی حقوق دی پامالی کیتی ، کشمیر ءچ کرفیو نافذ کیتا تے ایکوں بہوں وݙی جیل بنڑاں ݙیتے۔ اسد مجید خان نے آکھیا کہ پاکستانی عوام تے امریکہ ءچ پاکستانی امریکیاں تے کشمیریاں امریکیاں کوں ھک واری ول کشمیری عوام دے نال یکجہتی دا اظہار کرنا چاھیدے، انہاں دی آواز بنڑو تے انہاں تے جو ظلم و زیادتی روا رکھی ویندی پئی ھِ ایکوں ختم کراوݨ ءچ ایں ملک ءچ جیتھاں جیتھاں آواز چا سکدے وے آواز چاو۔