پاکستان تے ترکی دے درمیان دوہری شہریت دے معاملے تے گالھ مہاڑ جاری ھِ ، دفتر خارجہ
دفتر خارجہ دی ترجمان عائشہ فاروقی نے ڈسایا ھِ کہ پاکستان تے ترکی دے ترمیان دوہری شہریت دے معاملے تے گالھ مہاڑ جاری ھِ تے جیویں ھی اے کہیں نتیجے تے پھجدی ھِ تاں تفصیل سبھ دے سامنڑیں گھن آئی ویسی۔ اسلام آباد ءچ ہفتہ وار بریفنگ ݙیندے ہووے دفتر خارجہ دی ترجمان دا آکھݨ ھا کہ پاکستان تے ترکی دے درمیان دیرنہ تعلقات ھن تے ہمیشہ مچکل ویلے ءچ ݙونہیں ملک ھک ݙوجہے دے نال تھئین۔ انہاں ڈسایا کہ ترک صدر آئندہ ہفتے پاکستان دا دورہ کریسن تے انہاں دے ایں دورے نال ݙونہاں ملکاں دے درمیان تعلقات مزید مستحکم تھیسن، ٥ فروری ملک بھر ءچ یوم یجہتی دے حوالے نال انہاں دا آھݨ ھا کہ پاکستانی قوم نے کل کشمیریاں نال اظہار یکجہتی کیتا جیندء ءچ کشمیریاں کوں حق خود ارادیت ݙیتے ونجݨ دا مطالبہ کیتا گئیا ھِ انہاں دا آھݨ ھا کہ ٦ ماہ پہلے ایں ݙینھ مقبوضہ کشمیر ءچ کرفیو نافذ کیتا گئیا ، کشمیریاں دے بنیادی حقوق چھیکے ١٨٦ ݙینھ تھئی گئے ھن بھارت نے مقبوضہ کشمیر کوں دنیا دی سبھ توں وݙی جیل بنڑاں ݙیتا ھِ
انہاں آکھیا کہ پاکستان جموں و کشمیر دا کیس دنیا دے تمام فورماں تے گھن تے گئیا ، صدر مملکت وزیر اعظم تے وزیر خارجہ نے کل بھارتی مظالم تے قبضے دی مذمت کیتی۔
