عالمی ادارہِ صحت نے خیبرپختونخواہ ءچ لشمانیاس دے ناں دی بیماری دا خدشہ ظاہر کر ݙیتا

پشاور ۔ عالمی ادارے صحت ڈبلیو ایچ او نے رواں سال فروری ءچ صوبہ خیبرپختونخوا ءچ ءجلد دی بیماری لشمانیاس دے پھیلݨ دا خدشہ ظاہر کریندے ہووے احتیاطی تدابیر دے حوالے نال آگاہی ودھاوݨ تے متاثرہ بندیاں دے مکمل علاج دی یقین دھانی کرݨ دا مطالبہ کر ݙیتا، مقامی اخبار دی رپورٹ دے مطابق عالمی ادارے صحت دے حکام نے گالھ مہاڑ کریندے ہووے آکھیا کہ صوبی حکومتاں دے نال مل تے ایں تے کنٹرل رکھݨ دی تیاریاں دا آغاز کر ݙیتا ھِ انہاں دا آکھݨ ھِ کہ عامی صحت ایجنسی وزارت صحت نال رابطے ءچ ھِ کیونکہ جلد دی اے بیماری پورے ملک ءچ پھیل سکدی ھِ تے ایں کوں ودھݨ توں روکݨ کیتے حکمت عملی ضروری ھِ واضح رھاوے کہ گزرن سال خیبر پختونخواہ ءچ لشمانیاس دے ٤٠ ہزار کیس رپورٹ تھئے ھن تاہم مقامی مارکیٹاں ءچ انجکشناں دے دستیاب نا ہوون دی وجہہ توں مریض ڈبلیو اءچ او تے ایم ایس ایف دا رخ کریندے ھن جنہاں دی طرفوں پشاور دے نصیر اللہ خان بابر میموریل ہسپتال ءچ ٢٠١٨ ءچ قائم کیتے گئے سی ایل سینٹر ءچ پنج ھزار مریضاں دا اعلاج کیتا گئیا ھا ۔ حکام دا آکھݨ ھا کہ ڈبلیو اءچ او نے خیبرپختونخواء دے محکمہ صحت کوں چار مشیناں ݙیتیاں ھن تاہم ایندے استعمال تے ایندے موثر ہووݨ دے حوالے نال معلومات کوں عام نی کیتا۔ انہاں لشمانیاس دے مخصوص کیساں ءچ استمعال کیتا گئیا ،ڈبلیو اءچ او نے محکمہ صحت کوں ٥٧ ہزار انجیکشن ݙیتے ھن اے انجیکشن پاکستان ءچ رجسٹرڈ کینی جیندی وجہہ توں انہاں کوں درآمد کیتا گئیا انہاں دا آکھݨ ھا کہ اے انجیکشن بہوں گھٹ پیمانے تے بنڑائے ویندے ھن جیندی وجہہ نال اے فوری طور تے بین الاقوامی مارکیٹ ءچ دستیاب نی ہوندے انہاں آکھیا کہ اساں حکومت کوں ول ول انجکشناں کوں رجسٹرڈ کرݨ دا آکھ چکے ہیں کیونکہ اے مرض ہر ضلع تک پھیل سکدے تے ایندی دوا دستیاب کینی حکومت ڈبلیو ایچ او تے ایم ایس ایف تے لشمانیاس دے مریضاں دے علاج تے انحصار کریندی ھِ