امریکی دارالحکومت تے دیگر ٣ ریاستاں ءچ نویں جنگ مخالف مہم نے واشنگٹن توں اپنڑی فوج گھر واپس سݙواوݨ دا مطالبہ کر ݙیتا، ھک رپورٹ دے مطابق قدامت پسند سابق فوجیاں دے گروہ دی طرفوں چلائی گئی ارباں ڈالر تے بنڑیں ایں اشتہاری مہم ءچ جارحانہ انداز استعمال کیتا گئیا ھِ جیندے ءچ ڈونلڈ ٹرمپ کوں ٢٠٢٠ ءچ ووٹ کرݨ والے بندیاں سمیت کئی حامی ھن، این واری کنسرنڈ ویٹرنز فور امریکا (فکر مند سابق امریکی فورجی) نامی گروپ دی توجہ واشنگٹن ءچ پالیسی سازاں تے مشیگن ، وسکونسن تے پینسلوانیا ریاستاں دے ووٹر ھن
انہاں ریاستاں کوں سوئنگ ریاستاں آکھا ویندے کیونکہ ایتھاں ری پبلکنز تے ڈیموکریٹز ءچ کہیں دا وی زیادہ اثر کینی اے ریاستاں صدارتی انتخابات ءچ فیصلہ کرݨ ءچ اہم کردار ادا کریندیاں ھن انہاں علاقیاں ءچ چلݨ والے اشہاراں ءچ لکھا ھا کہ پہلے توں زیادہ ھن غیر ضروری تنازعات تے بدانتظامی تے مبنی جگھڑیاں توں اپنڑی فوج کوں واپس سڈواوݨ تے سنجیدگی دا مظاہرہ کرݨ دا ویلہ ھِ
آکھا گئیا کہ امریکی فوج کوں علیحدہ فوجی اݙیاں ءچ رکھݨ اساݙی سلامتی کیتے ھن ناگزیر کینی، مہم ءچ نشاندھی کیتی گئی کہ امریکا دے ھن وی ١٤ ھزار دے قریب فوجی خطرناک رستے (افغانستان) تے ھن جیتھاں ٢٠٠١ توں ھن تک ٢ ھزار ٤٠٠ امریکی فوجی ھلاک تھئی چکے ھن انہاں آکھیا کہ جنگ ءچ جیت دا کوئی واضح رستہ کینی تے ایں تے ١٠ کھرب ڈالر توں زائد خرچ تھئی چکے ھن جو امریکی ٹیکس دھندگان نے ادا کیتے ھن۔ اشتہار دے مقاصد واضح ھن جیندے ءچ ١٨ سالہ پرانڑیں جنگ دا فوری خاتمہ تے افغانستان توں جلد از جلد امریکی فوجیاں کوں کݙھݨ ھِ
