پاک فوج دے شعبہ تعلقات عامہ آئی ایس پی آر دے ڈائریکٹر میجر جنرل آصف غفور دا آکھݨ ھا کہ پاکستان اپنڑیں سر زمین کہیں دیخلاف استعمال تھیوݨ دی اجازت نا ݙیسی۔ نجی ٹی وی چینل نال گالھ مہاڑ کریندے ہووے وزیر اعظم عمران خان تے آرمی چیف جنرل قمر جاوید باجوہ دے بیان دا حوالے ݙیندے ہووے ݙی جی آئی ایس پی آر دا آکھݨ ھا کہ اساں اپنڑیں سر زمین کہیں دیخلاف استعمال تھیوݨ دی اجازت نا ݙیسوں تے ہر او کم کریسوں جو خطے کوں امن دی طرف گھن تے ونجے۔ ݙی جی آئی ایس پی آر دا آکھݨ ھا کہ وزیر اعظم آکھ چکے ھن کہ پاکستان کہیں دا یا کہیں دی شہ دا فریق نا بنڑسی لیکن صرف امن دا شراکت دار بنڑسی ۔ ایران دے پاسداران انقلاب دی قدس فورس دے سربراہ جنرل قاسم سلیمانی دی ھلاکت توں متعلق ھک سوال دے جواب ءچ ݙی جی آئی ایس پی آر نے اکھیا کہ ایں واقعے دے بعد خطے دے حالات ءچ تبدیلی آئی ھِ ݙی جی آئی ایس پی آر نے آکھیا ھِ کہ تساں جانڑدے وے مشرق وسطی ءچ سیکورٹی دے کیا حالات ھن امریکا تے ایران ءچ کیا کشیدگی چلدی پئی ھِ ایران تے سعودی ورب ءچ کیجھی کشیدگی ھِ تے ایں واقعے توں قبل پاکستان کشیدگی کوں گھت کرݨ ءچ کیا کردار ادا کریندا پئے ۔ میجر جنرل آصف غفور آکھیا کہ حکومت پاکستان نے ایں سلسلے ءچ مثبت کوششاں کیتیاں وزیر اعظم عمران خان مختلف ممالک دے دورے تے گئن تے ایں کشیدگی تے وی گالھ مہاڑ کیتی انہاں آکھیا کہ اساݙا خطے پچھلے ٤ دھائیوں توں ویکیورٹی دے لحاظ دے نال بہوں مسائل دا سامنڑیں کریندا پئے پہلے افغان جنگ تھئی ول ٩ الیون دے عبد دہشت گردی دیخلاف جنگ تھئی ھن اپنڑی گالھ جاری رکھیندے ہوئے ڈی جی آئی ایس پی آر نے آکھا کہ پاکستان تے بھارت دے درمیان بہوں کشیدگیاں تھیاں حتی کہ ٢٧ فروری کوں ݙونہاں ملک جنگ تک پھج گئے تے بھارت کوں بھاری نقصان چاونڑاں پیا ڈی جی آئی ایس پی آر دا آکھݨ ھا کہ اساں بھارت دے ݙو جہاز سٹے ھن پائلیٹ گرفتار کیتے تے خطے ءچ امن کیتے انہاں دا پائلٹ وی واپس کر ݙیتا۔ انہاں آکھیا کہ جنرل آصف غفور نے آکھیا ھِ کہ پاکستان نے ہر او کم کیتا جو خطے ءچ امن گھن تے آ سکدے اساں اپنڑیں ملک ءچ دھشت گردی کوں ناکام بنڑایا، پاک افغان سرحد کوں محفوظ کیتا ول افغان مصالحتی عمل ءچ ھک بھر پور مثبت کردار ادا کیتا ، انہاں دا آکھݨ ھا کہ بھارت دیخلاف انہاں دی اشتعال انگیزیاں دے باوجود ھک ذمہد ار ریاست تے قابل افواج ھوون دا ثبوت ݙیتا تاں انہاں حالات ءچ خطے دے کہیں وی ملک دے حوالے نال کوئی وی کشیدگی کوں اساں خطے ءچ امن دی کوششاں دیخلاف سمجھدے ھیں ݙی جی آئی ایس پی آر دا آکھݨ ھا کہ ایں تناظر ءچ جئیں ویلے امریکی اسٹیٹ سیکریٹری مائیک پومپیو دی آرمی چیف جنرل قمر جاوید باجوہ نال گالھ کریندے ہووے آرمی چیف نے بنیادی طور تے انہان ݙو گالھیں کیتیاں کہ خطہ بہوں خراب حالات توں بہتری دی طرف ویندا پئے ایں بہتری کیتے افغان مصالحتی عمل دا کامیاب تھیوݨ بہوں ضروری ھِ تے ایندے ءچ پاکستان اپنڑاں بھر پور مثبت کردار ادا کریندا پئے تے پاکستان دی خواھش ھِ کہ ایں تے توجہ مرکوز رھاسی اے امن دی طرف گھن تے ویسی۔ انہاں آکھا کہ آرمی چیف دا آکھݨ ھِ کوئی ایہو جیاء عمل جو افغان مصالحتی عمل کوں خراب کریں ایں توں اجتناب کرنا چاھیدا ھِ
میجر جنرل آصف غفور دا آکھݨ ھا کہ مائیک پومپیو نال گالھ مہاڑ ءچ آرمی چیف نے آکھیا کہ کہ خطے دے مختلف ممالک ءچ کشیدگی گھٹ تھیونڑی چاھیدی ھِ تے ایں سلسلے ءچ تمام متعلقہ ملکاں کوں تعمیری طرز عمل تے مذاکرات توں اگئی تے ودھنڑاں چھیدا ھ پاکستان ایں سلسلے ءچ تمام پر امن کوششاں دی تائید کریندے تے خواھش رکھیدنے کہ اے خطہ کہیں بئے دی جنگ دی طرف نا ونجے۔ ایران دیخلاف امریکا دی جنگ دا حصہ بنݨ دی افواھواں توں متعلق ھک سوال دے جواب ءچ ڈی جی آئی ایس پی آر نے آکھیا کہ ایہو جی بہوں افواھواں بالخصوص سوشل میڈیا تے گردش کریندیاں پئیاں ھن انہاں آکھیا کہ اے مائیک پومپیو تے آرمی چیف دے درمیان کوئی پہلی فون کال کینی ۔ ڈی جی آئی ایس پی آر نے آکھیا کہ افغان مصالحتی عمل تے خطے دی سیکورٹی کوں گھن تے آرمی چیف دا اہم کردار ھِ ایں تناظر ءچ اے گالھ مہاڑ تھئی تے ایں تے دفتر خارجہ اپنڑاں بیان ݙے چکا ھ کہ جئیں ویلے اے واقعہ تھئیا تاں ایں سلسلے ءچ پاکستان دا کیا رد عمل ھا، میجر جنرل آصف غور نے آکھیا کہ میڈی عوام تے میڈیا توں درخاست ھِ کہ صرف معتبر ذرائع دی گالھ مہاڑ تے توجہ ݙیون ایں پروپیگنڈا مہم ، جو ملک دشمن عناصر دی افواواں تے توجہ نا ݙیوون تے انہاں افواھواں کوں کھیندواݨ ءچ بھارت دا مرکزی کردار ھِ
