مقبوضہ کشمیر ءچ قابض بھارتی فوج دے ظلم و ستم دی داستاناں سامنڑیں آ گئیاں

سری نگر ۔ مقبوضہ کشمیر ءچ قابض بھارتی فوج دے ظلم و ستم دی داستاناں سامنڑیں آ گئی، قابض بھارتی فوجیاں غیر قانونی قید دے دوران کشمیریاں تے تشدد دی انتہا کر ݙیتی ، روزنامہ جنگ دے مطابق برطانوی نشریاتی ادارہ کشمیریاں تے بھارت دے ڈھائے ونجݨ والے ظلم سامنڑیں گھن آیا بی بی سی دے رپورٹر دے مطابق کشمیریاں نے بھارت دی طرفوں ڈھائے ونجن والے مظالم رات گئے چھاپے ، مارپیٹ تے تشدد دی ملدی جلدی کہانیاں سنڑائیں ، شائع رپورٹ دے مطابق ڈاکٹرز صحافیاں تے کہیں وی مریض دے بارے گالھ نی کرݨ چاھندے کشمیریاں نے بھارتی سیکورٹی فورس تے مار پیٹ تے تشدد دے الزام لائے ۔، کشمیریاں نے بی بی سی رپورٹ نال گالھ کریندے ہووے ڈسایا کہ انہاں تے تشدد نا کرن بس گولی مار ݙیوون انہاں ڈسایا کہ انہاں کوں لاٹھیاں ، بھاری تاراں نال مارا ویندا ھِ بجلی دے جھٹکے ڈیتے ویندے ھن کشمیری شہری نے بھارتی فورسز دی طرفوں کیتے ونجن والے ظلم دی داستان سنڑیندے ہووئے آرٹیکل ٣٧٠ ختم کرݨ دے متنازع فیصلے دے چند گھنٹیاں بعد ہی فوج گھر گھر گئی بھارتی فوج نے راتوں رات چھاپے مار تے گھراں توں چا گھیدا ھک جاء تے سبھ کوں جمع کیتا بھارتی فوج نے اساں کوں مارا ، اساں پچھدے رہئے کہ اساں کیا کیتا ھ بھارتی فورسز نے کجھ وی نا سنڑاں انہاں نے کجھ وی نی آکھیا بس اساں کوں مریندے رہ گئے ب۔ رپورٹر نے ڈسایا کہ میں خدا توں موت دی دعا کریندا ھم کیونکہ اے تشدد ناقابل برداشت ھا بھارتی فورسز نے وارننگ ݙیتی کہ کوی وی بھارت مخالف مظاہراں ءچ شرکت نا کرے ، مظالم جاری رہے تاں گھر چھوڑ ݙیوݨ دے سوا کوئی چارہ نا رھاسی ، او اساں وکں ایویں مریندے ین جیویں جانوراں کوں مارا ویندا ھِ اساں کوں انسان ھی نی سمجھدی ، بی بی سی رپورٹر نے اپنڑیں رپورٹ ءچ ثبوت دے طور تے بھارتی فورس دی طرفوں کیتے ونجن والے مظالم دی تصویراں وی شیئر کر ݙیتیاں ، ایں رپورٹ نے پوری دنیا ءچ تہلکہ مچا ݙیتا تے بھارت دا چہرہ بے نقاب کر ݙیتا