پاک فوج کشمیریاں ڊے نال کھڑی ھِ , آرمی چیف وضاحت کر ݙیتی

راوالپنڈی(سرائیکی نیوز۔ آن لائن) آرمی چیف جنرل قمر جاوید باجوہ نے واضح لفظاں ءچ اعلان کریندے ہووے آکھیا کہ پاکستان آرمی کشمیریاں دی جدوجہد ءچ انہاں دے شانہ بشانہ کھڑی ھِ تے کشمیریاں دی منصفانہ جدوجہد ءچ آخری حد تک ساتھ ݙیسی ، جی ایچ کیو ءچچ آرمی چیف جنرل قمر جاوید باجوہ دی زیر صدارت کور کمانڈر کانفرنس تھئی جیندے دوران مقبوضہ کشمیر دے بارے بھارتی اقدام دے بعد پیدا تھیوݨ والی صورتحال دا تفصیلی جائزہ گھیدا گئیا ھِ تے بھارتی اقدام کوں مسترد کرݨ دے حکومتی فیصلے دی حمایت کیتی گئی ھِ آرمی چیف نے ایں موقع تے خطاب کریندے ہووے آکھیا کہ پاکستان مقبوضہ کشمیر ءچ بھارتی تسلط کڈھیں تسلیم نا کریسی انہاں دا آکھݨ ھا کہ پاکستان نے کڈھی وی مقبوضہ کشمیر ءچ آرٹیکل ٣٧٠ یا ٣٥ کوں قبول نی کیتا ، ھن بھارت ایں حوالے نال کھوکھلے بہانے کوں ختم کر ݙیتے، پاک افواج کشمیری عوام دے نال ھن ہر طرح دے حالات توں نمٹن کیتے تیار ھن ، وطن دے دفاع کیتے ہر حد تک ویسوں، آئی ایس پی آر دی طرفوں جاری کردی بیان ءچ آکھا گئیا ھِ کہ پاکستان نے مقبوضہ کشمیر ءچ بھارت دا شرمناک قبضہ قانونی قرار ݙیوݨ دی حمایت کڈھیں نی کیتی ، آرمی چیف دا آکھݨ ھا کہ پاک فوج ، حق خود ارادیت کیتے کشمیری بھیراواں دے نال کھڑی ھِ تے اساں ایں ذمہ داری کوں پائیہ تکمیل تک پھجاوݨ کیتے ہر حد تک ویسوں۔