اسلام آباد(سرائیکی نیوز) اسلام آباد ءچ ١٤ اگست توں پلاسٹ بیگ دے استعمال تے پابندی عائد کرݨ دا فیصلہ کر گھیدا ھِ جبکہ وفاقی دارالحکومت ءچ پلاسٹک بیگ دی روک تھام کیتے قواعد بنڑاں گھیدے گئے ھن
نجی ٹی وی چینل دی رپورٹ دے مطابق وزیر اعظم عمران خان دی زیر صدارت ماحولیاتی تبدیلیاں توں متعلق اہم اجلاس تھئیا جیندے ءچ مشیر ماحولیات، وزیر فوڈ سیکیورٹی وزیر منصوبہ بندی ، مشیر تجارت ، معاون خصوصی فردوس عاشق اعوان نے شرکت کیتی جبکہ ایندے علاوے وزرائے اعلی خیبر پختونخواہ ، بلوچستان تے گلگت بلتستان وزیر اعظم آزاد کشمیر تے افسران نے وی شرکت کیتی۔اجلاس دے دوران وزیر اعظم کون پناجب ءچ سموگ دی روک تھام تے اقدامات کیتے ١٠ ارب درخت لاوݨ دے منصوبے دی پیش رفت توں متعلو آگاہی ݙیتی گئی ، حکومت نے بجلی تے چلن والی کاراں متعارف کرواوݨ تے غور شروع کر ݙیتا تے ایں حوالے نال عمران خان کوں اجلاس ءچ الیکٹروہیکل پالیسی تے وی بریفنگ ݙیتی گئی جیندے دوران مشیر ماحولیات تے وزیر توانائی نے تجاویز پیش کیتی ۔ الیکٹرک کاراں تے پالیسی فریم ورک تے ݙو ماہ ءچ پیش رفت دا امکان ھِ الیکٹرک کاراں دے مینو فیکچرنگ یونٹ پاکستان ءچ لائے ویسن تے تجربہ کامیاب رھیا تاں ایکسپورٹ دا لائحہ عمل وی تیار کیتا ویسی جبکہ الیکٹرک کاراں دی درآمد ݙیوٹی صفر کرݨ تے مراعات تے وی غور کیتا گئے ٢٠٢٢ تک متعدد کار ساز کمینیاں الیکٹرک کاراں دی تیاری ودھا ݙیسن کئی ممالکک تریھ سال ءچ ٣٠ فیصد تک بجلی تے چلن والی گڈیاں دا استعمال شروع کریسن۔
