اسلام آباد(سرائیکی نیوز) وزیر اعظم دے مشیر صنعت و تجارت عبدالرزاق داود نے اعلان کیتا ھِ کہ حکومت نے چینی دی برآمد تے سبسݙی نا ݙیوݨ دا فیصلہ کیتا ھِ تے آکھیا ھِ کہ پاک ایران دے نال چیزاں دے بدلے چیزاں دی تجارت شروع کریسی۔
نجی ٹی وی چینل دے مطابق قومی اسمبلی دی قائمہ کمیٹی برائے تجارت دا اجلاس تھئیا جیندے دوران عبدالرزاق داود دا آکھݨ ھا کہ پاکستان ایران دے نال چیزاں دے بدلے چیزاں دی تجارت شروع کریسی ، ایران پاکستان کوں بجلی تے ایل پی جی ݙیوݨ کوں تیار ھِ تے ایندے بدلے پاکستان ہمساعے ملک کوں زرعی آلات برآمد کریسی ، انہاں دا آکھݨ ھا کہ گندم دی برآمداد ودھاوݨ کیتے گریݙنگ ضروری ھِ
انہاں آکھیا کہ پاکستان دے کول عالمی دنیا ءچ اپنڑیاں چیزاں دے تحفظ کیتے کوئی قانون ھی کینی عالمی منݙی ءچ دیگر ممالک اساݙی چیزاں فروخت کریندے پئے ھن حکومت نے قانون دی تیاری تے کم شروع کر رکھیا ھِ قانون سازی دے بعد اساں بیرونی دنیا ءچ اپنڑیاں چیزاں دا تحفظ کر سکدے ھیسے۔
