اسلام آباد(سرائیکی نیوز) وفاقی دارالحکومت اسلام آباد تے راوالپنڈی ءچ ڈرائیوراں دی ہڑتال دی وجہہ توں میٹرو بس سروس جمعہ دے ڈینھ بند رہی، ڈرائیوراں دی طرفوں بساں کوں سیکریٹریٹ میٹرو سٹیشن ءچ کھڑا کر تے مطالبات مݨ تک نا چلاوݨ دا اعلان کیتا گئیا ھا، ڈرائیوراں نے مطالبہ کیتا ھا کہ انہاں دے اوقات کار ١٢ گھنٹیاں توں گھٹ کر تے ٨ گھنٹے کر ݙیتے ونجن انہاں دیاں تنخواہواں ءچ اضافہ دا وی مطالبہ کیتا گئیا ھِ
ڈرائیوراں دا آکھݨ ھا کہ انہاں کوں تنخواہ دی مد ءچ ٢٥ ھزار روپے ݙیتے ویندے ھن جیندے نال بمشکل زندگی بسر تھیندی ھِ انہاں دے مطابق چھوٹی چھوٹی غلطتیاں تے تنخواہواں ءچ کٹوتی وی تھیندی رھاندی ھِ میٹرو انتظامیہ دی ڈرائیواں دے نال کامیاب مذاکرات دے بعد اج سروس ول توں بحال کر ݙیتی گئی ھِ تاہم ڈرائیوراں نے خبردار کیتا ھِ کہ مطالبات تریھ ڈینھ ءچ نا منے گئے تاں او ول ہڑتال شروع کر ݙیسن۔
