اسلام آباد(سرائیکی نیوز) چیف جسٹس پاکستان میاں ثاقب نثار نے آکھیا ہے کہ پیٹرولیم مصنوعات حکومت دی کمائی دا ذریعہ بݨ گئی ھِ چیف جسٹس دی سربراہی ءچ سپریم کورٹ دے تریھ رکنی بینچ نے پیٹرولیم مصنوعات تے ٹیکساں توں متعلق از خود نوٹس دی سماعت کیتی ۔ اٹارنی جنرل ، ایم ڈی پی ایس او تے چیئرپرسن اوگرام عدالت ءچ پیش تھئے۔ چیف جسٹس نے اٹارنی جنرل توں پچھیا کہ قیمتاں ءچ اضافے تے کمی دا فارمولا کیا ھِ پیٹرولیم مصنوعات دی قیمتاں حکومت دے پیسہ کماوݨ کیتے ھِ جسٹس اعجاز الاحسن نے پچھیا کہ خام تیل دی درآمد تے ریفائنری تک پھجݨ تک کیا قیمتاں ھن؟ اٹارنی جنرل نے ڈسایا کہ خام تیل ٥ ریفائنریاں درآمد کریندیاں ھن ، این آر این تے پاکستان ریفائنری کراچی ءچ ھن بائیکو حب بلوچستان ءچ ، پارکو مظفرگڑھ تے اٹک ریفائنری راوالپنڈی ءچ ھِ تریھ ریفائنریاں دی ١٥ فیصد مقامی پیداوار ھِ ٨٥ فیصد درآمد کریندی ھن
ایم ڈی نے ڈسایا کہ ٢٢ کمپیاں ھن جو پیٹرول درآمد کریندیاں ھن سعودی عرب توں پہلے ادھار تیل ملدا ھا ھن نی ملدا، چیف جسٹس نے آکھیا کہ مڈل مین ڈونہاں طرفوں منافع تے کمیشن گھیندا ھِ ایکوں رکھا ھی واسطے ویندے کہ مارجن رکھن اساں باہروں سستا پیٹرول تے خام تیل چاھندے ھیں
چیف جسٹس نے ایم ڈی پی ایس او تو پچیا کہ تساڈا آئل سیکٹر ءچ کتنا تجربہ ھِ جئیں تے انہاں جواب ݙیتا کہ توانائی شعبے ءچ ٣ سال دا تجربہ ھِ نجی کمپنیاں اینگرو ءچ کم کیتا ھِ ٣٧ لکھ روپے تنخواہ دا پیکج ھِ
چیف جسٹس نے آکھیا کہ کیا بکواس ھِ اتنی بھاری تنخواہ تے بندے بھرتی کیتے ویندے ھن کیا بیورو کریسی ختم تھئی گئی ھائی جو نجی شعبے توں بندہ گھینراں پوندے، سبھ کجھ مل تے آپ دا پیکج ٤٥ لکھ تاں ہوسی تے تنخواہ ٢٢ گریڈ دے افسر توں کئی گنا زیادہ ھِ ، تساں اساں کوں بنیادی چیزاں تے مطمئن نی کر سکے اون کمپنی ءچ واپس چلے ونجو، چیف جسٹس نے آکھیا کہ تساں صارف کوں ریلیف نی ݙیندے ، پی ایس او دی چھ ماہ دی درآمد دا آڈت کرو اگھیندے ھیں پیٹرولیم مصنوعات دی امپورٹ شفاف ہونڑیں چاھیدی ھِ غیر ترقیاتی اخراجات صارف کوں ادا کرنے ہوسن تے افسران دی عیاشیاں دا بھار چاونڑاں پوندے، آڈٹ دے بعد عدالت ݙیکھ گھینسی کہ ریاست نے جو ٹیکس لائے ھن او جائز ھن کہ نی، تعین کرنا ھِ کہ درآمد دیانت داری نال تھیندی پئی ھِ یا نی ۔۔؟ جسٹس اعجاز الاحسن نے آکھیا کہ ھک لیٹر پیٹرول خریدݨ والے کوں چالہی روپے ٹیکس ادا کرنا پوندا ھِ بین الاقوامی مارکیٹ ءچ قیمت دی کمی دا فائدہ صارف کوں ݙیوݨ دی بجائے ٹیکس ودھا ݙیتا ویندا ھِ ، ساری گیم خریداری دے موقع تے تھیندی ھِ
