اسلام آباد(سرائیکی نیوز) وزیر اعظم دی ایمنسٹی اسکیم دے نفاذ دے بعد فیڈرل بورڈ آف ریونیو (ایف بی آر ) نے ١٣ لکھ روپے نال ھک کروڑ روپے سالانہ آمدن رکھن والیاں تے ٹیکساں دی نویں شرح دا اعلان کر ݙیتا ۔ ١٣ لکھ روپے سالانہ آمدن تے سال بھر اچ صرف ٥ ہزار روپے ٹیکس ڈیونڑاں ہوسی ، انکم ٹیکس ڈیون والیاں کیتے وڈی خوش خبری، ایمنسٹی اسکیم ڊے نفاذ دے بعد سالانہ ٹیکس دی شرح اچ نمایاں کمی ہوسی۔
ایف بی آ دی دستاویز دے مطابق ١٣ لکھ روپے سالانہ آمدن تے سال بھر اچ صرف ٥ ہزار روپے ٹیکس ادا کرنا ہوسی ایویں تے پہلے دی نسبت بچت ہوسی ساݙے ٦٤ ھزار روپے ۔
١٤ لکھ روپے سالانہ انکم تے ٹیکس ہوسی ١٠ ہزار روپے، سالانہ ٹیکس بچت ہوسی ساڈے ٦٩ ہزار روپے ، ایں طرح ١٥ لکھ روپے سالانہ آمدن تے سال بھر دا ٹیکس ہوسی ١٥ ہزار روپے ایویں پہلے دی نسبت ٹیکس بچت ہوسی ٧٧ ہزار روپے سالانہ۔ اٹھارہ لکھ روپے آمدن تے سالانہ ٹیکس ہوسی ھن ٣٠ ھزار، ٹیکس بچت ھِ ساڈے ٩٤ ھزار ، پنجھیں لکھ روپے سالانہ آمدن تے ٹیکس ٧٠ ہزار روپے ہوسی تے بچت ہوسی ھک لکھ ساڑھے ٨٩ ہزار روپے، ٣٠ لکھ روپے سالانہ آمدن تے ھن ٹیکس ہوسی ھک لکھ ٢٠ ہزار روپے ، سالانہ بچت ہوسی ٢ لکھ ، ساڑھے ٣٩ ھزار روپے ۔ ٤٥ لکھ روپے سالانہ انکم ٹیکس تے ھِ ھن ھک لکھ ٧٠ ھزار روپے ، بچت ہوسی ٣ لکھ ٢ ہزار روپے۔ ٤٠ لکھ روپے سالانہ آمدن تے نویں ٹیکس شرح ھِ ٢ لکھ ٢٠ ہزار روپے ۔ پہلے دی نسبت بچت بنڑدی ھِ ٣ لکھ ٧٧ ہزار روپے۔ پنجاھ لکھ سالانہ آمدن تے ھن ٹیکس ہوسی ٣ لکھ ٣٠ ہزار روپے ، بچت بنڑسی ٥ لکھ ٤٢ ہزار روپے، سٹھ لکھ روپے سالانہ آمدن تے ھن ٹیکس بنڑے ٤ لکھ ٨٠ ہزار روپے سالانہ بچت ہوسی ٦ لکھ ٦٧ ہزار روپے، ستر لکھ سالانہ آمدن تے ھن ٹیکس بنڑاں ٦ لھ ٣٠ ہزار روپے سالانہ بچت ہوسی ٧ لکھ ٩٢ ہزار ، ٨٠لکھ روپے سالانہ آمدن تے ھن ٹیکس ہوسی ٧ لکھ ٨٠ ہزار روپے ، ایویں بچت بنڑی ٩ لکھ ٤٢ ہزار روپے ۔ ٩٠ لکھ روپے سالانہ آمدن تے ٹیکس ہوسی ٩ لکھ ٣٠ ہزار روپے ، بچت ہوسی ١٠ لکھ ٩٢ ہزار روپے ت ھک کروڑ روپے سالانہ آمدن تے ٹیکس ہوسی ١٠ لکھ روپے ٨٠ ہزار روپے جئیں تے پہلے دی نسبت ١٢ لکھ ٤٢ ہزار روپے بچت ہوسی۔
