اسلام آباد(سرائیکی نیوز) سپریم کورٹ نے پشین ءچ درختاں دی کٹائی توں متعلق از خوڊ نوٹس گھن گھیدا ، سماعت ڊے درمیان بلوچستان حکومت ڊی رپورٹ مسترڊ کر ݙیتی گئی تے سیکریٹری سی اینڈ ڈبلیو آئندہ سماعت تے طلب کر گھیدا، جسٹس قاضی فائز عیسی نے ریمارکس ݙیتے کہ لگد اھِ رپورٹ کہیں جاھل نے تیار کیتی ھِ بلوچستان دے افسران کوں آئین پڑھاوݨ دی لوڑ ھِ اٹارنی جنرل افسران کیتے کلاسز ڊا بندوبست کرن، تفصیل دے مطابق جسٹس قاضی فائز عیسی نے پشین ءچ درختاں ڊی کٹائی توں متعلق از خوڊ نوٹس ڊی سماعت کیتی، عدالت ءچ بلوچستان حکومت دی طرفوں رپورٹ ݙیتی گئی۔
سپریم کورٹ نے بلوچستان حکومت ڊی رپورٹ مسترد کر ݙیتی، عدالت نے حکومت کوں ٢ ہفتے ءچ نویں رپورٹ تیار کرݨ دا حکم ݙیندے ہووے رپورت تیار کرݨ والے سیکریٹری سی اینڈ ڈبلیو کوں آئندہ سماعت تے طلب کر گھیدا ، جسٹس قاضی فاعز عیسی نے ریمارکس ݙیندے ہووے آکھیا ھِ کہ لگڊا ھِ رپورٹ کہیں جاہل نے تیار کیتی ھِ بلوچستان ڊے افسران کوں آئین پڑھاوݨ دی لوڑ ھِ اٹارنی جنرل افسران کیتے آئین ڊی کلاسز دا بندوبست کیتا ونجے۔
ایڈیشنل ایڈووکیٹ جنرل نے آکھیا کہ سڑکاں نا بنڑدیاں تاں فنڈز ضائع تھئی ویسن۔ ایں تے جسٹس قاضی فائز عیسی نے آکھیا کہ تساں کوں سڑک بنڑاون توں نی روکیا ، عدالت نے صرف حکومت کوں درخت دی کٹائی توں روکے انہاں آکھیا کہ سڑکاں کیتے متبادل جگہ وی موجود ھِ ۔ عدالت نے سیکریٹری سی اینڈ ڈبلیو آئندہ سماعت تے طلب کریندے ہووے سماعت ٢ ہفتے کیتے ملتوی کر ݙیتی۔
