امریکا ڊا یکم مئی توں پاکستانی سفارتکاراں تے نویں پابنڊی لاوݨ ڊا فیصلہ

واشنگٹن(سرائیکی نیوز۔ ویب ڈیسک) امریکا نے پاکستانی سفارتی عملے دی نقل و حرکت محدود کریندے ہووے انہاں تے نویں پابندی لاون دا فیصلہ کیتا ھِ ھک اخبار دے مطابق امریکا نے پاکستانی سفارت کاراں دی نقل و حرکت کیتے نویں ضابطہ اخلاق تیار کر گھیدا ھِ جیندے تحت پاکستان سفارتی عملے کوں ٤٥ کلو میٹر دے علاقے تک محدود کر ݙیتا گئیا ھِ اخباری ذرائع دا آکھن ھِ کہ یکم مئی توں پاکستانی سفارت کار سفارتخانے تے قونصل خانیاں توں ٤٥ کلو میٹر توں دور ونجن کیتے اجازت گھݨ دے پابند ہوسن جبکہ سفارت کاراں کوں اپنڑی رھائش وی ٤٥ کلو میٹر ڊے اندر رکھنڑی ہوسی ۔ پاکستانی سفارت کار یکم مئی توں نویں ہدایت نامے تے عملدرآمد کرݨ دے پابند ہوسن تاہم اے پابندی نال پاکستانی سفارتی عملے کوں نویں مشکلات دا سامنڑاں کرنا ہوسی۔