سعودی عرب سمیت ٢٤ ملکاں دی مشترکی فوجی مشقاں ختم

ریاض (سرائیکی نیوز۔یو این پی) سعودی عرب دے مشرقی ریجن اچ ٢٤ ممالک دے اشتراک نال فوجی مشقاں دا ڈوجہا مرحلہ مکمل تھئی گئیا ، مشقاںاچ شامل ٢٤ ملکاں دی فضائیہ ، بحریہ تے زمینی فوج دے علاوہ سپیشل گروپس کمانڈوز تے سپیشل ٹاسک فورسز نے وی شرکت کیتی سعودی وزارت دفاع دی زیر نگرانی پہلی مشترکی فوجی مشق ٢٠١٦ اچ حفرالباطن ریجن اچ کیتی گئی ھائی مشقاں اچ بھاری تے ہلکے ہتھیاراں دا استعمال انتہائی مہارت دے نال کیتا گئیا ھا جبکہ سپیشل کمانڈوز دے دستیاں نے فرضی دشمناں دے علاقے کوں خرالی کراواݨ دا مظاہرہ کیتا ھا مشترکہ فضائیہ نے فرضہ دشمن دے راکٹ لائچنگ پیڈ کوں تباہ کرݨ تے دشمن دے ایئر ڈیفنس سسٹم کوں ناکارہ بنڑاون دا عملی نمونہ وی پیس کیتا ھا ۔ واضح رھاوے کہ مشترکہ فوجی مشقاں اچ شریک فوجیاں نے غیر معمولی مہارت دا مظاہرہ کیتا جیندے اچ خصوصی طور تے سپیشل سروسز گروپ کمانڈروز دی طرفوں پیش کیتی ونجن والی کیمو فلاج دی ٹیکنگ خاص اہمیت دی حامل رہی جیندے اچ کمانڈوز نے خود کوں ایں طرح ماحول دے نال ہم آہنگ کر گھیدا ھا کہ انہاں کوں ڈیکھدے ایے محسوس تھیندا ھا کہ اے کوئی انسان نی بلکہ جھاڑی یا پہاڑی تودہ وغیرہ ھِ