قندوز (سرائیکی نیوز۔ آن لائن )افغانستان دے صوبے قندوز اچ مقامی دینی مدرسے تے تھیوݨ والی فضائی بمباری نال شہید تھیون والیاں دی تعداد ١٥٠ توں تجاوز کر گئی جبکہ شہید تھیون والیاں دی وڈی تعداد مدرسے دے زیر تعلیم انہاں بالاں دی ھائی جو حفظ قرآن مکمل کرݨ دے بعد تقریب دستار بندی اچ شرکت کیتے اوتھاں اپنڑیں اہل خانہ دے نال موجود ھن ڈوجہے پاسے افغان طالبان نے دعوی کیتا ھِ کہ وحشی فوجی نے بھارتی ہیلی کاپٹراں دے ذریعے مدرسے تے بمباری کیتی جبکہ ایں الزام اچ کوئی حقیقت کینی کہ بمباری دے دوران مدرسے اچ طالبان دا کوئی اجلاس جاری ھا یا اتھاں کوں طالبان کمانڈر موجود ھا جبکہ امریکی فوج نے وی قندوز اچ مدرسے تے تھیون والی بمباری توں لا تعلقی دا اظہار کریندے ہووے آکھیا کہ امریکی فوج نے ایہو جئیا کوئی حملی نی کیتا اگر کوئی ایے گالھ کریندا پئے تاں غلط ھِ
امریکی خبر رساں ادارے وائس آف امریکہ دے مطابق حملے اچ کم از ک ٥٩ بندے ہلاک تھئے ھن جیندے اچ بیشتر مدرسے اچ زیر تعلیم بال ھن جبکہ اقوام متحدہ نے افغان صوبے قندوز اچ مدرسے تے تھیون والی بمباری اچ درجناں عام شہریاں دی ہلاکت دے الزام دی تحقیقات شروع کر ݙیتی افغانستان اچ اقوام متحدہ دے معاون مشن دی طرف جاری کیتے ونجن والے مختصر بیان اچ آھیا گئیا ھِ کہ علاقے اچ موجود انسانی حقوق دے ماہرین دی ٹیم حقائق جمع کریندے پئی ھِ عالمی ادارہ افغان تنازع دے تمام فریقاں کوں اے یاد ڈیواوݨ ضرور سمجھدے ھیں کہ عام شہریاں کوں مسلح تصادم دے اثرات توں بچاوݨ انہاں دی اخلاقی ذمہ داری ھِ ڈوجہے پاسے غیر ملکی خبر رساں ادارے اے ایف پی دے مطابق عینی شاہدین دا آکھݨ ھِ کہ شمالی مشرقی صوبے قندوز اچ واقع مدرسے اچ تقسیم اسناد دا جلسہ جاری ھا جیندے دوران افغان ایئر فورس نے ہیلی کاپٹراں دے ذریعے بمباری کیتی ۔ ایں تقریب اچ سینکڑاں بندے شریک ھن، افغان حکام نے ایں گالھ دی تصدیق کیتی ھِ کہ بمباری اچ متعدد عام شہری وی مارے گئے ھن جبکہ افغان وزارت دفاع دے ترجمان دا آکھݨ ھِ کہ حملے اچ افغان طالبان دے ریڈ یونٹ تے کوئٹہ شوری دا ضلعی کمانڈر وی شامل ھا ڈوجہے پاسے افغان طالبان نے اپنڑی آفیشل ویب سائٹ تے تصدیق کریندے ہووے آکھیا ھِ کہ جارح امریکی وکٹھ پتلی فوجیاں نے قندوز اچ نہتے شہریاں کوں نشانہ بنڑایا تے وحشی فوجیاں نے بھارتی ہیلی کاپٹراں دے ذریعے صوبہ قندوز ضلع دشت آرچی دے پھٹان بازار دے علاقے اچ واقعہ ہاشمیہ عمریہ نامی دینہ مدرسے تے ایہو جئے وقت بمباری کیتی جئیں ویلے معمول دے مطابق حفاظ کرام تے دینی علمائے کرام دی دستار بندی دی تقریب جاری ھائی ایں حملے اچ ١٥٠ علمائے کرام طلباء حفاظ کرام تے انہاں دے عزیز و اقارب شہید و زخمی تھئےجبکہ شہادتاں اچ اضافے دا خدشہ ھِ واضح رھاوے کہ اے پہلا موقع ھِ کہ افغان طالبان نے پہلی واری کہیں حملے اچ بھارتی طیاریاں کوں حملے دا ذمہ دار قرار ݙیتا ھِ اے ایف پی دے مطابق بعض افغان سیکورٹی اہلکاراں نے ناں ظاہر نا کرݨ دی شرت تے ڈسایا ھِ کہ حملے اچ کم از کم 59 بندے ہلاک تھئے ھن جیندے اچ بیشتر مدرسے اچ زیر تعلیم بالاں دی ھِ
