سب جھوٹے ھن، پتر ڊے سوا کہیں وی میݙی کتاب نی ݙیٹھی، ریحام خان

لندن(سرائیکی نیوز۔ ویب ڈیسک) عمران خان ڊی سابقہ اہلیہ ریحام خان نے اپنڑی زندگی تے لکھی کتاب جلد منظر عام تے گھن آون دا اعلان کر ݙیتا لندن توں جاری ھک ویڈیو بیان اچ ریحام خان نے آکھیا کہ میڈی وانح عمری دسمبر ٢٠١٧  اچ مکمل تھئی چکی ھِ تے اے ھن طباعت دے اخری مراحل اچ ھِ انہاں آکھیا کہ کتاب میڈے علاوہ پاکستان دے کیں صحافی ، بزنس مین یا سیاست دان نے نی ڈیٹھی نا ھی ایں بارے کہیں کوں کوئی علم ھِ کہ میں کتاب اچ کیں کیں زاوایاں توں پردہ چاتے، انہاں آکھیا کہ میں ایں سلسلے اچ صرف اپنڑیں پتر تے ھی یقین کر سکدی ھم ایں واسطے ایں نے ھی ایں کتاب کوں ڈیٹھے تے ایندی ایڈیٹنگ کیتی ھِ ریحام خان نے آکھیا کہ کجھ لوگ اے پراپیگنڈا کریندے ودے ھن کہ میں انہاں کوں اے کتاب لکھن واسطے آکھیا ھا تے اے کوڑ ھِ میں کڈھیں وی کہیں چھوٹے کیئریٹر دے انسان کوں ایہو جیا کرݨ کیتے نی آکھیا میڈے منہ اچ زبان وی ھِ تے قلم دی طاقت سی میڈے کول ھِ چند ہفتیاں اچ شائع تھیون والی میڈی کتاب توں لوگ اے جاݨ ویسن کہ میں اپنڑی تعلیم تے کیئریئر کیویں شروع کیتا تے اج تک میڈی زندگی اچ کیا کیا نشیب و فراز آئن، ریحام خان نے آکھیا کہ کتاب دی افتتاحی تقریب متوقع طور تے لندن اچ تھیسی تے میں جلد پاکستان آساں۔