شام ، حکومت دی بدترین بمباری، 20 بالاں سمیت 77 بندے جاں بحق
دمشق(سرائیکی نیوز ـ مانیٹرنگ ڈیسک) شام دے علاقے مشرقی غوطہ اچ حکومتی فورسز دی طرفوں کیتی گئی بد ترین بمباری نال ٢٠ بالاں سمیت ٧٧ بندے جاں بحت تے تریھ سو توں ودھ زخمی تھئی گئے۔ غیر ملکی خبر رساں ایجنسی دی طرفوں جاری اطلاعات دے مطابق شام دے علاقے مشرقی غوطہ اچ حکومتی فورسز دی طرفوں کیتی گئی بد ترین بمباری نال 20 بالاں سمیت 77 بندے جاں بحق 300 توں ودھ زخمی تھئی گئے، شام اچ موجودہ انسانی حقوق دی مانیٹرنگ گروپ دے مطابق مشرقی غوطہ اچ گزشتہ 24 گھنٹیاں دے دوران شامی فورسز دے فضائی تے زمینی حملیاں اچ ستتر توں زائد بندےہلاک تھئے ھن جبکہ تریھ سو پنجھی زخمی ھن۔ شامی فورسز مشرقی غوطہ اچ گزشتہ روز توں باغیاں دے ٹھکانڑیاں تے بمباری شروع کر ݙیتی ھائی ایجنسی رپورٹ طے مطابق حکومتی فورسز دا آکھن ھِ کہ متاثرہ علاقے باغیاں دے زیر کنٹرول ھا ۔
بد ترین بمباری دے بعد علاقے اچ ہر طرف تباہی دے مناظر ھن جبکہ بمباری نال ویں توں زائد بال وی جاں بحق تھئن جنہاں دی لاشاں اسپتال منتقل کر ݙیتیاں گئیاں ھن اسپتال دے مطابق لاشاں ملبے توں نکلیاں ھن مرݨ والیاں اچ تریھ بھینڑ بھیرا ھن جنہاں دیاں لاشاں ڈیکھ تے غمزدہ پیو سر پٹیندا رھیا۔. ہسپتال اچ موجود لوگاں دا آکھن ھا کہ مرݨ والے بالاں دے اہل خانہ تے والدین دی حالت ھیکو جیئی ھائی
